Aldaw a Panaginana

Ti naituding a nasantuan nga aldaw iti makalawas a panaginana ken panagdayaw. Kalpasan ti panangparsua ti Dios iti amin a banag, naginana iti maikapito nga aldaw ket imbilinna a maysa nga aldaw iti makalawas ti aldaw a panaginana a mangtulong kadagiti tao a manglagip kenkuana (Ex. 20:8–11).

Sakbay ti panagungar ni Cristo, nginilin dagiti kameng ti Simbaan ti maudi nga aldaw iti makalawas a kas Aldaw a Panaginana, kas iti inaramid dagiti Hudio. Kalpasan ti panagungar, nginilin dagiti kameng ti Simbaan, Hudio man wenno Gentil ti umuna nga aldaw iti makalawas (ti aldaw ti Apo) a panglagip iti panagungar ti Apo. Itultuloy ita ti Simbaan a ngilinen ti maysa nga aldaw iti makalawas a kas nasantuan nga aldaw a panaginana a pangdaydayawan iti Dios ken panaginana kadagiti trabaho iti lubong.

Ipalagip ti Aldaw a Panaginana kadagiti tao a kasapulanda ti mataraonan iti espiritu ken iti rebbengenda nga agtungpal iti Dios. No mabaybay-anen ti pagilian a ngilinen ti Aldaw a Panaginana, ramaramenna amin nga aspeto ti biag ken agrupsa ti biagna a napammatian (Neh. 13:15–18; Jer. 17:21–27).