Genesis

Ti balikas a Griego a kayatna a sawen “nagtaudan” wenno “pangrugian.” Ti libro ni Genesis ti umuna a libro iti Daan a Tulag ken insurat ni propeta a Moises. Itdenna ti pakaammo ti adu a pangrugian, a kas iti pannakaparsua ti daga, ti pannakaikabil dagiti ayup ken tao iti daga, ti pannakatnag da Adan ken Eva, ti pannakaipaltiing ti ebanghelio ken ni Adan, ti pangrugian dagiti tribu ken puli, ti nagtaudan dagiti adu a pagsasao iti Babel ken ti panangrugi ti kaamaan ni Abraham a nakaigapuan ti pannakabangon ti balay ti Israel. Naipaganetget iti Genesis ti akem ni Jose a kas salaknib ti Israel.

Paneknekan ken lawlawagan ti paltiing iti ud-udina nga aldaw ti naisurat iti Genesis (1 Ne. 5; Ether 1; Moises 1–8; Abr. 1–5).

Iti libro ti Genesis, estoriaen dagiti kapitulo 1–4 ti pannakaparsua ti lubong ken ti irarang-ay ti kaamaan ni Adan. Naisurat ti pakasaritaan ni Noe kadagiti kapitulo 5–10. Naibaga kadagiti kapitulo 11–20 ti maipanggep ken ni Abraham ken ti kaamaanna agingga iti panawen ni Isaac. Suroten dagiti kapitulo 21–35 ti kaamaan ni Isaac. Ibaga ti kapitulo 36 ti maipanggep ken ni Esau ken ti kaamaanna. Ibaga dagiti kapitulo 37–50 ti maipanggep iti kaamaan ni Jacob ken paneknekanna ti pannakailako ni Jose idiay Egipto ken ti akemna a mangisalakan iti balay ti Israel.