Ti napakumbaba a pannakisarita iti Dios a pagyamanan ti tao ken pagdawatanna kadagiti bendision. Maiturong ti kararag iti Nailangitan nga Amatayo iti nagan ni Jesucristo. Mabalin a napigsa wenno nakapsut ti panagkararag. Mabalin met a kararag ti panunot ti tao no maiturongda iti Dios. Mabalin a kararag iti Dios ti kanta dagiti nalinteg (DkK 25:12).
Saan a panggep ti kararag a baliwan ti pagayatan ti Dios, ngem tapno gun-odentayo para kadatayo ken iti sabali ti bendision a sitatallugod nga ited ti Dios, ngem nasken a dawatentayo tapno magun-od.
Agkararagtayo iti Ama iti nagan ni Cristo (Jn. 14:13–14; 16:23–24). Napudno ti kararagtayo iti nagan ni Cristo no ti tarigagaytayo ket tarigagay ni Cristo (Jn. 15:7; DkK 46:30). Dawatentayo dagiti banag nga umno ken mabalin nga ited ti Dios (3 Ne. 18:20). Adda dagiti kararag nga awan sungbatna gapu ta ibagianda ti tarigagay ni Cristo ngem nagtaud iti kinakirmet ti tao (San. 4:3; DkK 46:9). Ngarud, no agdawattayo iti Dios kadagiti saan a nalinteg a banag, agbalinto a pakailunodantayo (DkK 88:65).