Simbolismo

Ti panangaramat iti banag a kapadpada wenno kalanglanga ti sabali a banag. Nausar ti gagangay a banag, pasamak, wenno kasasaad ti simbolismo iti nasantuan a kasuratan a mangibagi iti pagbatayan wenno pannursuro iti ebanghelio. Kas pagarigan, iti Libro ni Mormon nagaramat ni propeta Alma iti bukel a mangibagi iti balikas ti Dios (Alma 32).

Nagaramat iti simbolismo dagiti propeta iti intero a nasantuan a kasuratan a nangisuro iti maipanggep ken ni Jesucristo. Mairaman kadagitoy a simbolo ti seremonia ken ordinansa (Moises 6:63), datdaton (Heb. 9:11–15; Moises 5:7–8), ti sakramento (Luc. 22:13–20; PJS, Mar. 14:20–24), ken panagbuniag (Rom. 6:1–6; DkK 128:12–13). Adu a nagan iti biblia ti simboliko. Ti seremonia iti tabernakulo iti Daan a Tulag ken ti paglintegan ni Moises ti mangibagi iti agnanayon a kinapudno (Heb. 8–10; Mosiah 13:29–32; Alma 25:15; Hel. 8:14–15). Para iti dadduma pay a pagarigan, Kitaen ti Mat. 5:13–16; Jn. 3:14–15; Jacob 4:5; Alma 37:38–45.