Sakramento

Para kadagiti Santo iti Ud-udina nga Aldaw, itudo ti sakramento ti ordinansa a pannakiranud iti tinapay ken danum kas panglagip iti pannubbot a sakripisio ni Cristo. Ibagian ti napirsapirsay a tinapay ti nadunor a lasagna; ibagian ti danum ti dara nga imbuyatna a pangsubbot iti basbasoltayo (1 Cor. 11:23–25; DkK 27:2). No makiranud dagiti maikari a kameng ti Simbaan iti sakramento, ikarida nga awatenda ti nagan ni Cristo, a kanayonda a laglagipen, ken tungpalenda dagiti bilinna. Babaen daytoy nga ordinansa, mapabaro dagiti kameng ti Simbaan ti katulaganda idi nagbuniagda.

Iti Maudi a Pangrabii, inlawlawag ni Jesus ti ordinansa ti sakramento bayat ti pannakilanglangna kadagiti Sangapulo-ket-dua nga Apostol (Mat. 26:17–28; Luc. 22:1–20).