Ti napagnumuan ti Dios ken ti tao, ngem saanda nga agpatas iti napagnumuan. Mangted ti Dios iti annuroten para iti katulagan, ket umannugot dagiti tao iti dawatenna kadakuada nga aramidenda. Ikari ngarud ti Dios a bendisionanna ida gapu iti kinatulnogda.
Maawat babaen ti katulagan dagiti pagbatayan ken ordinansa. Ikari dagiti kameng ti Simbaan a surotenda ti nakitulaganda. Kas pagarigan, nakitulag dagiti kameng iti Apo iti panagbuniagda ket pabaruenda dagidiay a katulagan babaen ti pannakiranudda iti sakramento. Ad-adu pay a katulagan ti aramidenda iti templo. Naitulag a tattao dagiti tao ti Apo ket nalabon ti bendisionda iti panangtungpalda kadagiti katulaganda iti Apo.