Taga-Colosas, Surat Para Kadagiti

Ti libro iti Baro a Tulag. Sigud a surat ni Apostol Pablo kadagiti taga-Colosas kalpasan ti panangsarungkar kenkuana ni Epafras, ti pannakabagi ti Simbaan iti Colosas (Col. 1:7–8). Imbaga ni Epafras ken ni Pablo a matmatnag dagiti taga-Colosas iti nakaro a biddut—ipagarupda a nasaysayaatda ngem dagiti sabali a tao gapu ta naannadda a mangtungpal kadagiti akinruar nga ordinansa (Col. 2:16), pinaidamanda ti bagbagida kadagiti pagayatan ti lasag, ket nagrukbabda kadagiti anghel (Col. 2:18). Imparikna dagitoy a kannawidan kadagiti taga-Colosas a napasantoda. Nariknada pay a naawatanda dagiti misterio iti sangalubongan a nalawlawag ngem dagiti kameng ti sabali a Simbaan. Iti suratna, inatur ida ni Pablo babaen ti panangisurona a maaramid laeng ti pannakasubbot babaen ni Cristo ket nasken a masirib ken agserbitayo kenkuana.

Ti kapitulo 1 ti kablaaw ni Pablo kadagiti taga-Colosas. Naindoktrinaan dagiti kapitulo 2–3 ken linaonda dagiti palawag ni Cristo a kas Mannubbot, ti peggad iti sinsinan a panagrukbab, ken ti pateg ti panagungar. Isuro ti kapitulo 4 a nasken a masirib dagiti Santo iti amin a banag.