Bilin, Dagiti Sangapulo a

Sangapulo a paglintegan nga inted ti Dios babaen ni propeta a Moises a mangiturong iti nadalus a kababalin.

Dagiti “Sangapulo a Balikas” ti awag kadagitoy iti Hebreo. Maawaganda met iti Katulagan (Deut. 9:9) wenno ti Pammaneknek (Ex. 25:21; 32:15). Ti pannangted ti Dios iti Sangapulo a Bilin ken ni Moises, ken iti Israel babaen kenkuana, nailawlawag iti Ex. 19:9–20:23; 32:15–19; 34:1. Naikitikit dagiti bilin kadagiti dua a pedaso a bato, a naikabil iti Lakasa; isu a naawagan ti Lakasa iti Lakasa ti Katulagan (Num. 10:33). Ginupgop ti Apo, iti panangadawna iti Deut. 6:4–5 ken Lev. 19:18, dagiti Sangapulo a Bilin iti “dua a naindaklan a bilin” (Mat. 22:37–39).

Naulit dagiti Sangapulo a Bilin iti paltiing iti ud-udina nga aldaw (Mosiah 12:32–37; 13:12-24; DkK 42:18–28; 59:5–13; PJS, Ex. 34:1–2).