Numero

Ti maikapat a libro iti Daan a Tulag. Insurat ni Moises ti libro dagiti Numero. Saritaen ti libro dagiti Numero ti estoria ti panagdaliasat ti Israel manipud iti Bantay Sinai agingga iti patad ti Moab iti nagbeddengan ti Canaan. Maysa kadagiti napateg nga adal nga isurona ti nasken a magna iti pammati dagiti tao ti Dios, nga agtalek kadagiti karina, no kayatda ti agtultuloy nga agballigi. Lagipenna ti pannusa ti Dios iti Israel gapu iti di panagtungpal ken mangted iti damag maipanggep kadagiti paglintegan ti Israelita. Naadaw ti nagan ti libro manipud iti adu a bilang a naited iti sensus (Num. 1–2, 26).

Ibaga dagiti kapitulo 1–10 ti panagsagana dagiti Israelita a pumanaw iti Sinai. Iladawan dagiti kapitulo 11–14 ti mismo a pannagna, ti pannakaibaon dagiti espia iti Canaan, ken ti panagkedked ti Israel a sumrek iti naikari a daga. Naisurat kadagiti kapitulo 15–19 ti sumagmamano a paglintegan ken pasamak iti pakasaritaan. Dagiti kapitulo 20–36 dagiti pakasaritaan ti naudi a tawen dagiti tao iti langalang.