Lunod, Ilunod

Kadagiti nasantuan a kasuratan, ti lunod ti panangipatungpal iti nadiosan a paglintegan a mangipalubos wenno mangted iti pangngeddeng ken ti ibungada iti banag, tao, wenno tattao kangrunaanna gapu iti kinakillo. Dagiti lunod ti mangipakita iti nadiosan nga ayat ken linteg ti Dios. Mabalin nga itden a mismo ti Dios wenno ipeksa dagiti natudingan a katulonganna. No dadduma, ti la Dios ti makaammo ti naan-anay a gapu dagiti lunod. Mainayon iti daytoy, ti nailunod a kasasaad mapadasan kadagiti siaanamong a mangrubsi iti pagayatan ti Dios ket yadayoda ti bagbagida iti Espiritu ti Apo.

Mabalin nga ikkaten ti Apo dagiti lunod gapu iti pammati ti maysa a tao wenno dagiti tao ken ni Jesucristo ken ti panagtungpalda kadagiti paglintegan ken ordinansa ti ebanghelio (Alma 23:16–18; 3 Ne. 2:14–16; PP 1:3).