Umuna a Parmata

Ti panagparang ti Dios Ama ken ti Anakna a ni Jesucristo ken ni Propeta Joseph Smith iti kakaywan.

Iti panagsusulbod idi 1820, agtawen idi ni Joseph Smith, Jr. iti sangapulo-ket-lima. Nagnaedda iti kaamaanna iti ili ti Palmyra, Nueva York. Adda ti kakaywan iti asideg a lauden ti balay ti kaamaan. Napan ni Joseph iti daytoy a disso tapno agkararag iti Dios a mangammo iti pudno a simbaan. Nagutugot a mangdamag iti sungbatna iti Dios bayat ti panagbasana iti Biblia (San. 1:5–6). Kas sungbat ti kararagna, nagparang kenkuana ti Ama ken ti Anak ket imbagada nga awan kadagidi agdama a simbaan iti daga, ta biddutda amin (JS—P 1:15–20). Naulit-ulit daytoy sagrado a padas a nakaipuonan ti pannakaisubli ti ebanghelio ken ti pudno a Simbaan ni Cristo.