Ecclesiastes

Ti libro iti Daan a Tulag a naglaon iti pampanunot iti sumagmamano kadagiti kaunggan a parikut ti biag.

Adu ti insurat ti nagsurat iti libro, a maysa a mangaskasaba, a paset ti libro iti panirigan dagiti di makaawat iti ebanghelio. Nagsurat kas maibatay iti rikna dagiti tao iti lubong–kayatna a sawen, dagiti adda iti “baba ti init” (Ecl. 1:9). Kaaduan a linaon ti libro ti kasla negatibo ken pesimistiko (Ecl. 9:5, 10). Saan a kastoy ti kayat ti Apo a panangkitatayo iti biag ngem no kasano ti nadlaw ti mangaskasaba kadagiti banag a di makapalag-an kadagiti tao iti daga. Masarakan kadagiti kapitulo 11 ken 12 ti kangrunaan a naespirituan a paset ti libro, a nangigibusan ti mannurat a ti panagtungpal kadagiti bilin ti Dios ti maymaysa laeng a banag a mataginayon ti pategna.