Dan

Para iti bendision ni Jacob ken ni Dan, Kitaen ti Gen. 49:16–18. Para iti bendision ni Moises iti tribu ni Dan, Kitaen ti Deut. 33:22. Kalpasan ti panagintekda iti Canaan, immawat ti tribu ni Dan iti bassit ngem nataba a daga (Jos. 19:40–48). Narigatanda a nangikaluya iti daytoy kadagiti Amorreo (Uk. 1:34) ken kadagiti Filisteo (Uk. 13:2, 25; 18:1). Nagbanaganna, nagpaamianan iti Palestina dagiti Danio (Uk. 18), iti aglawlaw ti Lais, ket binaliwanda ti nagan dayta a siudad iti Dan. Nalatak daytoy nga ili a kas akin-amianan nga igid ti Palestina, a nayaplag “manipud iti Dan agingga iti Beersheba.”