Baal

Ti lalaki a diosen-ti-init a kangrunaan a pagrukbaban idiay Fenicia (1 Ari 16:31) ngem pagrukbaban met iti nadumaduma a wagas iti sabsabali a lugar: dagiti Moabita a kas Baal-peor (Num. 25:1–3), iti Sikem kas Baal-berit (Uk. 8:33; 9:4), iti Ekron kas Baal-zebub (2 Ari 1:2). Nalabit a ni Baal isu met la ti Bel ti Babilonia ken Zeus iti Grecia. Ipalnaad ti balikas a Baal ti pakainaigan ti apo ken ti adipenna. Toro ti gagangay a simbolo ti Baal. Ni Asera ti diosa ti gagangay a pagrukbaban a kas ken ni Baal.

Maisilsilpo no dadduma ti Baal iti sabali a nagan wenno balikas a mangipakita iti pannakainaigna iti Baal, a kas iti lugar a pakadaydayawanna wenno iti tao nga addaan iti galad a kas ken ni Baal. Idi agangay, gapu ta nagbalin a dakes unay ti kaipapanan ti Baal, naisukat ti balikas a Boset kadagiti napagsilpo a nagan. “Bain” ti kaipapanan ti Boset.