Timoteo, Sursurat ken ni

Insurat ni Pablo ti immuna a surat kalpasan ti immuna a pannakabaludna. Imbatina ni Timoteo idiay Efeso, a panggepna idi ti agsubli (1 Tim. 3:14). Nupay kasta, narikna ni Pablo a mabalin a mataktak, isu a sinuratanna ni Timoteo, nalabit nga iti Macedonia (1 Tim. 1:3), tapno bagbagaanna ken allukoyenna a mangipatungpal iti pagrebbenganna.

Laonen ti kapitulo 1 ti kablaaw ni Pablo ken ti panangiwanwanna maipanggep iti minamaag a panangipapan a sumsumngat iti Simbaan. Mangiturong dagiti kapitulo 2-3 iti maipanggep iti panagdaydayaw a publiko ken maipanggep iti katatao ken kababalin dagiti ministro. Laonen dagiti kapitulo 4–5 ti ladawan ti ikakalilis iti ud-udina nga aldaw ken binalakadanna ni Timoteo maipanggep iti panangtaripatona kadagiti idauluanna. Ti kapitulo 6 ti mangigunamgunam iti panangpaneknek iti kinapudno ken panangliklik iti nailubongan a kinabaknang.

Insurat ni Pablo ti maikadua a surat bayat ti maikadua a pannakaibaludna, sakbay la unay ti pannakapapatayna. Laonenna dagiti naudi a balikas ti Apostol ken ipakitana ti naisangayan a tured ken panagtalek iti isasangona iti patay.

Laonen ti kapitulo 1 ti kablaaw ni Pablo ken panangbilinna ken ni Timoteo. Nangted dagiti kapitulo 2–3 iti nadumaduma a ballaag ken panangiwanwan, nga adda karit a mangsango kadagiti masungad a peggad. Mensahe ti kapitulo 4 kadagiti gayyem ni Pablo, a naglaon iti pammagbaga no kasano ti makipulapol kadagiti kimmalilis.