Natan

Propeta iti Daan a Tulag iti panawen ni Ari David. Idi indiaya ni David ti panangbangonna iti templo ti Apo, inwanwan ti Apo ni Natan a mangibaga ken ni David a saan a mangbangon. Inungtan pay ni Natan ni David iti panangpatayna ken ni Uria, maysa kadagiti mannakigubatna, ken ti panangalana iti asawa ni Uria, ni Batseba (2 Sam. 12:1–15; DkK 132:38–39). Tinudingan da Zadok, a kaduana ni Natan, ni Solomon nga ari nga anak ni David (1 Ari 1:38–39, 45).