Agtabbaaw, Tabbaaw

Panagsao nga awanan dayaw wenno saan a panagtamed iti Dios wenno kadagiti sagrado a banag.

Sumagmamano a daras a pinabasol dagiti Hudio ni Jesus a nagsao iti panagtabbaaw gapu iti panangibagana nga addaan iti kalintegan a mamakawan iti basol (Mat. 9:2–3; Luc. 5:20–21), gapu ta imbagana nga isu ti Anak ti Dios (Jn. 10:22–36; 19:7), ken gapu ta imbagana a makitadanto nga agtugaw iti akinkanawan a bileg, ken agparangto kadagiti ulep iti langit (Mat. 26:64–65). Agpayso koma amin dagitoy a pammabasol no saan a napasamak amin dagiti imbagana. Daytoy a pammabasol a nangidatagan kenkuana dagiti sinsinan saksi iti pangukoman ti Sanhedrin (Mat. 26:59–61) ti panagtabbaaw iti templo ti Dios. Panagtabbaaw iti Espiritu Santo, a sipupuso a nangilibak ken ni Cristo kalpasan ti panangawat iti naan-anay a pannakaammo kenkuana, isu ti saan a mapakawan a basol, (Mat. 12:31–32; Mar. 3:28–29; DkK 132:27).