Amen

Kayatna a sawen “sapay koma” wenno “kasta koma.” Maisao ti amen a mangipakita iti naimpusuan wenno napasnek a panangawat ken panagkakanunong (Deut. 27:14–26) wenno kinapudno (1 Ari 1:36). Ita iti gibus dagiti kararag, pammaneknek, ken panagsarita; dagiti makangngeg iti kararag wenno mensahe sumungbatda iti napigsa nga amen a mangipakita iti yaannamong ken panangawat.

Iti panawen ti Daan a Tulag, agsao ti tao iti amen no agsapata (1 Cron. 16:7, 35–36; Neh. 5:13; 8:2–6). Maawagan ni Cristo “ti Amen, ti napudno ken agpayso a saksi” (Apoc. 3:14). Agpaay pay ti amen a pagilasinan iti katulagan iti Pagadalan dagiti Propeta (DkK 88:133-135).