Hosana

Balikas iti Hebreo a kayatna a sawen “isalakannakami koma” ken maar-aramat a pagdayaw ken pagdawat.

Iti Piesta iti Tabernakulo, a nakarambakan iti panangwayawaya ti Apo iti Israel iti naikari a daga, inkankanta dagiti tao dagiti balikas iti Salmo 118 ket inwagaywayda dagiti bulong ti palaspas. Iti naballigian nga iseserrek ti Apo iti Jerusalem, inyikkis ti adu a tao ti “Hosana” ket indarnapda dagiti palaspas a pagnaan ni Jesus, a pangipakitada iti pannakaawatda a ni Jesus met laeng ti Apo a nangwayawaya iti Israel iti napalabas, Sal. 118:25–26; Mat. 21:9, 15; Mar. 11:9–10; Jn. 12:13). Nailasin dagiti tao ni Cristo nga isu ti nabayagen nga inur-urayda a Mesias. Nagbalin a pangrambak iti Mesias iti amin a tawen ti Hosana (1 Ne. 11:6; 3 Ne. 11:14–17). Nairaman ti pukkaw a hosana iti pannakaidaton ti Templo ti Kirtland (EUA) ket paset itan ti panangidaton kadagiti baro a templo (DkK 109:79).