Taga-Roma, Surat Para Kadagiti

Iti Baro a Tulag, ti surat ni Pablo kadagiti Santo iti Roma. Pampanunotenna idi ti sumarungkar iti Jerusalem, a manamnama a napeggad. No makapaglibas, ninamnamana kalpasanna a sumarungkar iti Roma. Adda paset ti surat a mamagsagana iti Simbaan idiay nga umawat kenkuana no dumteng. Maibilang pay a naglaon iti palawag kadagiti doktrina a napagdidiskutiran ken ibilang itan ni Pablo a napaneknekanen.

Laonen ti kapitulo 1 ti kablaaw ni Pablo kadagiti taga-Roma. Iraman dagiti kapitulo 2–11 ti sumagmamano a palawag iti doktrina ti pammati, aramid, ken parabur. Laonen dagiti kapitulo 12–16 ti gagangay a pannursuro iti ayat, pagrebbengan, ken kinasanto.