Kabal

Inagapad ti nasantuan a kasuratan ti dua a kita ti kabal: (1) Ti itakkab ti soldado iti barukongna a salaknib a kawes wenno kalasag. Kas simbolo, nasken nga agaramat dagiti santo iti kabal ti kinalinteg a salaknibda iti dakes (Isa. 59:17; Ef. 6:14); (2) Ti pagan-anay nga inaramat ti nangato a saserdote iti paglintegan ni Moises (Ex. 28:13–30; 39:8–21). Naaramid iti lienso ken namuntaran iti 12 a napateg a bato. Masasao pay nga adda pakainaiganna iti Urim ken Tumim (DkK 17:1; JS—P 1:35, 42, 52).