Harris, Martin

Maysa kadagiti Tallo a Saksi iti nadiosan a punganay ken kinapudno ti Libro ni Mormon. Timmulong a nangigasto ken ni Joseph Smith ken ti Simbaan. Dinawat ti Apo nga ilako ni Martin Harris ti sanikuana ket itedna ti paglakuanna a pagbayad iti pannakaipablaak ti Libro ni Mormon (DkK 19:26–27, 34–35); tapno agbalin a pagwadan iti Simbaan (DkK 58:35); ken tumulong a mangbayad iti magasto iti naespirituan a panagserbi (DkK 104:26).

Naikkat ni Martin Harris iti Simbaan ngem iti kamaudianan nagsubli a naan-anay a kameng. Agingga iti maudi a biagna nangted iti pammaneknek a nakitana ni anghel a Moroni ken dagiti balitok a pinanid a nangalaan ni Joseph Smith iti impatarusna a Libro ni Mormon.