Panagungar

Ti panagsinnublian ti espiritu ken ti bagi a nagtagilasag kalpasan ti ipapatay. Kalpasan ti panagungar, saanton nga agsina pay ti espiritu ken ti bagi, ket saanton a matay ti tao. Agungarto ti tunggal tao a nayanak iti daga gapu iti panangparmek ni Jesucristo iti patay (1 Cor. 15:20–22).

Ni Jesucristo ti kaunaan a tao a nagungar iti daytoy a daga (Ara. 26:23; Col. 1:18; Apoc. 1:5). Adu ti ited ti Baro a Tulag a pammaneknek a bimmangon ni Jesus iti bagina a lasag: awan nagyan iti tanemna, nangan iti ikan ken diro, addaan iti nagtagilasag a bagi, sinagid dagiti tao, ken kinuna dagiti anghel a nagungaren (Mar. 16:1–6; Luc. 24:1-12, 36–43; Jn. 20:1–18). Paneknekan ti paltiing iti ud-udina nga aldaw ti kinapudno ti panagungar ni Cristo ken ti sangkataw-an (Alma 11:40–45; 40; 3 Ne. 11:1–17; DkK 76; Moises 7:62).

Saanto nga agungar ti tao iti maymaysa a gloria (1 Cor. 15:39–42; DkK 76:89–98), wenno mapagungar ti amin iti maymaysa a panawen (1 Cor. 15:22–23; Alma 40:8; DkK 76:64–65, 85). Adu a santo ti nagungar kalpasan ti panagungar ni Cristo (Mat. 27:52). Agungarto nga umuna dagiti nalinteg sakbay dagiti nadangkes ket umaydanto iti umuna a panagungar (1 Tes. 4:16); maudinto nga agungar dagiti managbasol a di nagbabawi (Apoc. 20:5–13; DkK 76:85).