Ti wagas a panagbalin ti sangkataw-an a matay iti daytoy a daga. Idi nangan da Adan ken Eva iti maiparit a bunga, nagbalinda a matay, a kayatna a sawen, mabalinda ti agbasol ken matay. Ni Adan ti “immuna a lasag” iti daga (Moises 3:7). Ilawlawag ti paltiing iti ud-udina nga aldaw a parabur ti Pannakatnag ken nasken a dayawen da Adan ken Eva kas immuna a nagannak iti sangkataw-an.
Nasken nga addang ti Pannakatnag para iti idudur-as ti tao. Gapu ta ammo ti Dios a mapasamak ti pannakatnag, nangplanon sakbay daytoy a biag iti Mangisalakan. Dimteng ni Jesucristo iti kangitingitan ti panawen a mangsubbot iti pannakatnag ni Adan ken kasta met dagiti basol ti tao a maibatay iti panagbabawina.