Tabernakulo

Ti balay ti Apo, ti sentro a pagrukbaban ti Israel bayat ti ipapanaw iti Egipto. Gagangay a templo a maituguttugot ti tabernakulo ket mabalin a lasanglasangen sa manen sangalen. Nagaramat dagiti annak ti Israel iti tabernakulo agingga a binangonda ti templo ni Solomon (DkK 124:38).

Impalgak ti Dios ti pagtuladan a tabernakulo ni Moises (Ex. 26–27), ket binangon dagiti annak ti Israel a kas iti dayta a pagtuladan (Ex. 35–40). Idi makompleto ti tabernakulo, sinallukoban ti ulep ti tolda, ket pinunno ti Apo ti tabernakulo iti dayagna (Ex. 40:33–34). Tanda ti ulep iti kaadda ti Dios. Iti rabii, isu ti panagparang ti apuy. Idi nagintek ti ulep iti ngatuen ti tolda, nagkampo dagiti annak ti Israel. Idi mangwaknit, immakarda met (Ex. 40:36–38; Num. 9:17–18). Intugtugot dagiti annak ti Israel ti tabernakulo bayat ti panagallaallada iti disierto ken iti panangparmekda iti daga ti Canaan. Kalpasan dayta a panangparmek, naipatakder ti tabernakulo iti Silo, ti lugar a pinili ti Apo (Jos. 18:1). Kalpasan ti panangbangon dagiti annak ti Israel iti templo ni Solomon, saanen a pulos a naagapad iti pakasaritaan ti tabernakulo.

Inaramat ti Apo ken ni Isaias ti tabernakulo a simbolo dagiti siudad ti Zion ken Jerusalem iti panawen a maikadua a yaay ti Apo (Isa. 33:20; Moises 7:62).