Inauna

Iti panawen dagiti nagkauna a patriarka, inawat ti inauna nga anak a lalaki ti saguday ti pannakayanak (Gen. 43:33) isu a tinawidna ti panangidaulo iti kaamaan kalpasan ti ipapatay ti ama. Nasken a maikari ti inauna nga agtakem iti daytoy a pagrebbengan (1 Cron. 5:1–2) ken mapukawna ti saguday ti pannakayanakna babaen ti kinakillo.

Babaen ti paglintegan ni Moises, maibilang ti inauna nga anak nga agpaay iti Dios. Awaten ti inauna ti mamindua a bingay ti kukua ti amana (Deut. 21:17). Kalpasan ti ipapatay ti amana, pagrebbenganna a taripatuen ti inana ken dagiti kabsatna a babbai.

Agpaay met iti Dios ti lalaki nga inauna nga anak dagiti ayup. Naaramat a daton dagiti nadalus nga ayup, idinto a masubbot wenno mailako wenno mapapatay dagiti narugit nga ayup (Ex. 13:2, 11–13; 34:19–20; Lev. 27:11–13, 26–27).

Isimbolo ti inauna ni Jesucristo ken ti naindagaan a naespirituan na panagserbina, a mangipalagip kadagiti tao a dumtengto ti naindaklan a Mesias (Moises 5:4–8; 6:63).

Ni Jesus ti inauna kadagiti espiritu nga annak ti Nailangitan nga Amatayo, ti Bugbugtong nga anak ti Ama iti lasag, ken immuna a nagungar kadagiti natay iti panagungar (Col. 1:13–18). Agbalin a kameng dagiti napudno a Santo iti Simbaan ti Inauna iti agnanayon (DkK 93:21–22).