Nephi, Lalaki nga Anak ni Nephi, Lalaki nga Anak ni Helaman

Ti libro nga insurat ni Nephi, nga anak a lalaki ni Nephi, iti Libro ni Mormon. Ipakita dagiti kapitulo 1–10 ti pannakatungpal dagiti padto maipanggep ti yaay ti Apo. Naited dagiti tanda ti pannakaipasngay ni Cristo; nagbabawi dagiti tao; ngem nagsublida met laeng iti kinadangkes. Idi agangay, intanda dagiti bagyo, ginggined, narungsot a bagyo, ken nakaro a pannakadadael ti ipapatay ni Cristo. Naisurat kadagiti kapitulo 11–28 ti yaay ni Cristo kadagiti America. Daytoy ti kangrunaan a paset ti libro ti maikatlo a 3 Nephi. Adu kadagiti balikas ni Cristo ti umarngi kadagiti sermonna a naisurat iti Biblia (kas pagarigan, Mat. 5–7 ken 3 Ne. 12–14). Balikas ni Mormon para kadagiti pagilian iti ud-udina nga aldaw dagiti kapitulo 29–30.

49 laeng ti bersikulo daytoy a libro, iti maymaysa a kapitulo, ngem dandanina sinakup ti 300 a tawen a pakasaritaan dagiti Nephite (K.P. 34–321). Sumagmamano a kaputotan dagiti mannurat, a pakairamanan ni Nephi, ti nairaman iti sinurat. Ibaga dagiti bersikulo 1–19 a kalpasan ti panangsarungkar ti nagungar a Cristo kadagiti amin a Nephite ken Lamanite a napasurotda iti ebanghelio. Kappia, ayat, ken panagtutunos ti nagturay. Dagiti tallo a disipulo a Nephite, a pinalubosan ni Cristo nga agbati iti daga agingga iti maikadua a yaayna (3 Ne. 28:4–9) a mangisuro kadagiti tao. Imbati ni Nephi ti sinurat ken ni Amos nga anakna a lalaki. Kasuratan dagiti bersikulo 19–47 maipanggep iti naespirituan a pagrebbengan ni Amos (84 tawen) ken ni anakna nga Amos (112 tawen). Idi K.P. 201, nagbalin a parikut dagiti tao ti kinatangig, a nakabingaybingayanda iti nadumaduma a kita ket nagipasdekda iti sinsinan simbaan a panguartaanda (4 Ne. 1:24–34).

Ipakita dagiti maudi a bersikulo ti 4 Nephi a nagsubli manen dagiti tao iti kinadangkes (4 Ne. 1:35–49). Idi K.P. 305, natay ni Amos nga anak a lalaki ni Amos ket indulin ni kabsatna nga Ammaron amin dagiti sagrado a sinurat tapno saan a mapukaw. Intalek idi agangay ni Ammaron dagiti sinurat ken ni Mormon, a nangisurat kadagiti adu a pasamak bayat ti panagbiagna sana ida inyababa (Morm. 1:2–4).