Taga-Galacia, Surat Para Kadagiti

Ti libro iti Baro a Tulag. Daytoy ti orihinal a surat ni Apostol Pablo kadagiti Santo nga agnaed iti Galacia. Tema daytoy a surat a masarakan laeng ti pudno a wayawaya iti panangipatungpal ti ebanghelio ni Jesucristo. No tuladen dagiti Santo ti pannursuro dagiti Hudio a Kristiano a nangipapilit iti panangsurot iti paglintegan ni Moises, kedngan wenno dadaelenda ti wayawaya a nasarakanda ken ni Cristo. Pinasingkedan ni Pablo iti surat ti saadna a kas Apostol, inlawlawagna ti doktrina ti kinalinteg babaen ti pammati, ken impaganetgetna ti pateg ti naespirituan a relihion.

Kadagiti kapitulo 1 ken 2, inyebkas ni Pablo ti sennaayna iti damag a naawatna maipapan iti ikakalilis iti kinapudno kadagiti taga-Galacia ket inlawlawagna ti pagrebbenganna kadagiti Apostol. Ilawlawag dagiti kapitulo 3 ken 4 dagiti doktrina ti pammati ken aramid. Aglaon dagiti kapitulo 5 ken 6 iti sermon iti pudno a bunga dagiti doktrina ken pammati.