Kumpisar, Panagkumpisar

Dua a wagas ti nangaramatan ti nasantuan a kasuratan iti panagkumpisar. Iti maysa a panirigan, ti panagkumpisar isu ti panangibaga iti pammati iti maysa a banag, kas iti panagikumpisar a ni Jesus ti Cristo (Mat. 10:32; Rom. 10:9; 1 Jn. 4:1–3; DkK 88:104).

Iti sabali a panirigan, ti panagkumpisar isu ti panangawat iti basol, kas iti panangikumpisar iti basbasol. Pagrebbengan ti amin a tao nga ikumpisar dagiti basolda iti Apo tapno magun-odda ti pammakawanna (DkK 58:42–43). No kasapulan, maikumpisar ti basbasol iti tao wenno kadagiti nakabasolan. Ikumpisar kadagiti panguluen ti Simbaan dagiti nadagsen a basol (gagangay nga iti obispo).