Templo iti Kirtland

Ti immuna a templo a binangon ti Simbaan iti moderno a panawen. Binangon dagiti Santo iti Kirtland, Ohio, EUA, a maibatay iti bilin ti Apo (DkK 94:3–9). Maysa a gapu ti pannangtedna iti lugar a pangawatan dagiti maikari a kameng ti Simbaan iti bileg a naespirituan, turay, ken pammalag-an (DkK 109; 110). Naidaton idi 27 ti Marso 1836; ni Propeta Joseph Smith ti nangted iti pangidaton a kararag babaen ti paltiing (DkK 109). Nangted ti Apo iti napapateg a paltiing ken insublina dagiti kasapulan a tulbek ti kinasaserdote iti daytoy a templo (DkK 110; 137). Saan a naaramat a para kadagiti amin nga ordinansa ti templo a mait-ited kadagiti templo ita.