Perlas a Kapatgan

Kas iti “perlas a kapatgan” ti pagarian ti Dios iti daga (Mat. 13:45–46).

Ti Perlas a Kapatgan met ti nagan a naited iti maysa kadagiti uppat a libro ti nasantuan a kasuratan a maawagan iti “libro a pagrukodan” ti Ti Simbaan ni Jesucristo Dagiti Santo iti Ud-udina nga Aldaw. Naipablaak idi 1851 ti umuna nga edision ti Perlas a Kapatgan ket linaonna ti sumagmamano a sinurat nga adda itan iti Doktrina ken Katulagan. Laonen dagiti edision a naipablaak manipud idi 1902 ti (1) naadaw manipud iti patarus ni Joseph Smith iti Genesis, a maawagan iti libro ni Moises, ken ti Mateo 24, a maawagan iti Joseph Smith—Mateo; (2) patarus ni Joseph Smith iti papirus ti Egipsio a naalana idi 1835, a maawagan iti libro ni Abraham; (3) ti naadaw manipud iti pakasaritaan ti Simbaan nga insurat ni Joseph Smith idi 1838, a maawagan iti Joseph Smith—Pakasaritaan; ken (4) ti Pagannurotan ti Pammati, sangapulo-ket-tallo a palawag iti pammati ken doktrina.