Daan a Tulag
Sinurat dagiti nagkauna a propeta a tinignay ti bileg ti Espiritu Santo ken namaneknek iti uneg ti adu a siglo ken ni Cristo ken ti masakbayan a panagserbina. Laonenna pay ti sinurat a pakasaritaan ni Abraham ken dagiti an-annabona, manipud ken ni Abraham, ken ti katulagan, wenno tulag, nga inaramid ti Apo ken ni Abraham ken ti an-annabona.
Sinurat ni Moises ti umuna a lima a libro iti Daan a Tulag. Ti Genesis, Exodo, Levitico, Dagiti Numero, ken Deuteronomio. Itudo ti Genesis ti nangrugian ti daga, sangkataw-an, pagsasao, puli ken ti rugi ti balay ti Israel.
Ibaga dagiti libro ti estoria dagiti pasamak iti Israel. Josue, Uk-ukom, Ruth, 1 ken 2Â Samuel, 1 ken 2 Ar-ari, 1 ken 2Â Cronnicas, Esdras, Nehemias, ken Ester dagiti libro.
Naisurat kadagiti libro ti daniw ti pagsiriban ken literatura dagiti propeta. Dagitoy dagiti libro: Job, Salmo, Proverbio, Eclesiastes, Kanta ni Solomon, ken Un-unnoy.
Binallaagan dagiti propeta ti Israel iti basbasolna ket pinaneknekanda ti masagrap a bendision babaen ti panagtulnog. Impadtoda ti yaay ni Cristo, a mangsubbot kadagiti basol dagiti agbabawi, umawat kadagiti ordinansa, ken agtungpal iti ebanghelio. Isaias, Jeremias, Ezekiel, Daniel, Hosea, Joel, Amos, Abdias, Jonas, Mikias, Nahum, Habakuk, Sofonias, Haggeo, Zacarias, ken Malakias dagiti libro dagiti propeta.
Naisurat iti Hebreo ti kaaduanna a libro iti Daan a Tulag. Bassit ti naisurat iti Aramico, ti umarngi a pagsasao.