Moroni, Lalaki nga Anak ni Mormon

Ti naudi a propeta a Nephite iti Libro ni Mormon (c. K.P. 421). Sakbay ti ipapatay ni Mormon, intedna ken ni anakna a Moroni ti naisurat a pakasaritaan a maawagan iti pinanid ni Mormon (DBM 1:1). Nalpas ni Moroni nga inurnos dagiti pinanid ni Mormon. Innayonna dagiti kapitulo 8 ken 9 iti libro ni Mormon (Morm. 8:1). Inyababa ken inramanna ti libro ni Ether (Ether 1:1–2) ken innayonna ti librona a managan iti libro ni Moroni (Moro. 1:1–4). Rinikpan ni Moroni dagiti pinanid ken indulinna ida iti turod ti Cumorah (Morm. 8:14; Moro. 10:2). Idi 1823 naibaon ni Moroni a kas nagungar a mangipalgak iti Libro ni Mormon ken ni Joseph Smith (JS—P 1:30–42, 45; DkK 27:5). Insursurona ti ubing a propeta iti tunggal tawen manipud 1823 agingga iti 1827 (JS—P 1:54) sa intedna dagiti pinanid kenkuana idi 1827 (JS—P 1:59). Idi malpas ni Joseph Smith nga ipatarus insublina dagiti pinanid ken ni Moroni.