Sinagoga

Ti naaramat a pagmimitingan para iti panggep ti relihion. Kadagidi panawen ti Baro a Tulag, gagangay dagiti alikamen, a pakairamanan ti lakasa a naglaon iti nalukot a pagbasaan iti paglintegan ken dadduma pay a sagrado a sinurat, ti lamisaan a pagbasaan, ken tugtugaw dagiti agrukbab.

Imatonan dagiti elder ti lokal a konseho ti sinagoga. Ikeddengda no asino ti maawat ken no asino ti mailaksid (Jn. 9:22; 12:42). Ti mangituray iti sinagoga ti kapatgan nga opisial (Luc. 13:14; Mar. 5:22). Gagangay nga isu ti agsurat, mangtaming iti pasdek, ken mangiwardas iti serbisio. Ti katulongan ti mangakem kadagiti rebbengen ti eskribiente (Luc. 4:20).

Adda idi sinagoga iti tunggal ili a yan dagiti Hudio, iti Palestina ken dadduma pay. Dakkel a tulong daytoy iti pannakaisaknap ti ebanghelio ni Jesucristo gapu kadagiti nagkauna a misionario ti Simbaan a gagangay a makapagsao kadagiti sinagoga (Ara. 13:5, 14; 14:1; 17:1, 10; 18:4). Adda met daytoy a wagas kadagiti misionario iti Libro ni Mormon (Alma 16:13; 21:4–5; 32:1), kasta met kadagiti nagkauna a misionario iti daytoy a dispensasion (DkK 66:7; 68:1).