1 Imaynatachus ajllasqasnin, mayqenkunachus iglesiapi elderes wajyasqas karqanku, runasta presbiterosman, yachachejkunamantaj tukucherqanku.

2 Tatamanta mañakuytawan, Cristoj sutimpi, paykunaqa makisninkuta paykunaman churaykorqanku, nerqankutaj nispa:

3 Jesucristoj sutimpi kamachiyki presbiteroman tukunaykipaj, (mana chayrí, yachachejman kajtenqa) yachachejman tukunaykipaj, Diosman kutiriyta, Jesucristorayku juchas pampachasqa kanankutawan yachachinaykichispaj, paypa sutimpi feniyoj kasqaykichisrayku tukukuykama. Amen.

4 Kay jinata presbiterosta, yachachejkunatawan kamacherqanku, Diospa runasman qoyninkunaman jina, wajyaykunaman jinataj. Santo Espiritoj atiyninman jinataj paykunata kamacherqanku, mayqen atiychus paykunapi karqa.