Moronij Libron

1 Kunantaj ñoqa, Moroni, Jaredpa llajtanmanta willaykunata juch’uyyacherqaniña. Manataj astawan escribiyta yuyarqanichu, chaywampis manaraj wañusqachu kani. Manataj lamanitakunaman willanichu kaypi kasqayta mana wañuchinawankupaj.

2 Imaraykuchus paykuna ukhupi sinchita maqanakunku. Chejnisqankuraykutaj wañuchinku sapa nefita kajta, mayqenchus mana negayta munanchu Cristota.

3 Ñoqataj Moroni, manapuni cristota negasajchu; chayrayku maymanchus atini, chayman purini mana wañuchinawankupaj.

4 Chayrayku pisitawan escribini, yuyasqaypa contranta. Imaraykuchus ñoqaqa yuyarqani mana astawan escribinayta; chaywampis astawanraj escribini, ichapis lamanitakuna, hermanosniypaj, allin kanman qhepa p’unchaypi Señorpa munayninman jina.