1 Imaynatachus elderes, mana chayqa presbiteros Cristoj aychanta, yawarnintawan bendecinku, jaywankutaj iglesiaman. Paykunataj bendicerqanku Cristoj kamachisqasninman jina; chayrayku yachayku cheqanta ruwasqankuta. Eldertaj, mana chayqa presbitero chayta bendicerqa.

2 Tukuy iglesiawan qonqorikorqanku, Tatamanta mañakuspa Cristoj sutimpi nispa:

3 O Dios, Wiñay Tata, Jesucristo, Wawaykej, sutimpi mañakuyku kay t’antata bendecinaykita, llimphuchanaykitawan, pikunachus kayta mikhunku, paykunapaj, kayta mikhuspa Wawaykej cuerponta yuyarinankupaj, sonqonkumanta nisuspa, o Dios, Wiñay Tata, Wawaykej sutinta churakuyta munasqankuta, payta wiñaypaj yuyarinankupaj, paypa kamachisqasninta junt’anankupaj, paypa Espiritun paykunawan kanamapaj. Amen.