1 Ja’ ti c’u x-elan xu’ sts’uiltasbeic sbec’tal xchi’uc xch’ich’al Cristo ta ch’ulna elderetic xchi’uc presbiteroetique, ja’ jech ta sts’uiltasic jech chac c’u cha’al smantaltac Cristo, xchi’uc ja’ jech, jna’ojcutic ti yu’un ja’ lec ti elderetic xchi’uc presbiteroetic ta sts’uiltasique.

2 Xchi’uc ta xquejiic xchi’uquic boch’otic te tsobolic ta ch’ulna xchi’uc ta sc’opanic Riox ta sbi Jesús, xchi’uc jech ta xalic:

3 Vo’ot Riox, totil ta sbatel osil, ta sbi Jesucristo, anich’on, ta jc’anbotcutic ti ac’o xa vac’be benticion xchi’uc ti ac’o xa ts’uiltas ti pan ta sventa xch’ulelic scotolic ti boch’otic ta sve’ique; xchi’uc ti c’uxi ac’o sve’ic ta sventa ac’o staic ta na’el sbec’tal anich’one, xchi’uc ti c’uxi ac’o yalic ta jamal ta atojolale vo’ot Riox, totil ta sbatel osil, ti jech yalojbeic yo’ntonic ta stsaquic ta stojolalic stuquic ti sbi anich’on, xchi’uc ti ac’o sna’ ta yo’ntonic ta scotol c’ac’al, xchi’uc ac’o c’otuc ta ch’unel yu’nic ti mantaletic ti ja’ stuc la jyich’ic o ac’bel ti c’uxi te oyuc o ta stojolalic S-espiritue. Jechuc.