1. Na bono nigo ingokwana igoro y’ebatiso. Rigereria, abagaka na abakuani na aborokia mbabatisetwe; na tibatisetwe bosa igo gotatiga ekero baorogetie amatunda aria y’obuya.

2. Na tibanyorete kende ase ebatiso gotatiga bachete nomoyo ore inse amo n’omoika bw’obwororo, na komanyekana ase ekanisa ng’a ekeene baangamire ebibe biabo bionsi.

3. Na onde tari obatisetwe goika are koba ore nerieta ria Kristo, ore nomoyo bw, okomokorera goika omoerio.

4. Na ekero banyora ebatiso, na gosibigwa n’Omoika omochenu bakaba bakobarwa ase abanto bekanisa ya Kristo; na amarieto akairwa ase okoinyorwa na korosigwa ase obuya bwa Nyasae, na kobarenda ase enchera angiya, kobarenda botambe ase amasabo, abo ore ase omogoko o’Kristo, oyorenge omochakano na omoerio bw’okwegena kwabo.

5. Naboigo ekanisa ekaba ekonyorana botembe, kweng’ata na gosaba, na gokwana barobwo ase barobwo igoro y’ogokonyeka gwe chinkoro chiabo.

6. Naboigo bakaba bakoumerana botambe ase okoria omogati na edivai, ase okomoinyora Omonene Yeso.

7. Na bakaba bare amo n’obororo ng’a onde bwensi taba ore nebibe ase bare; na onde bwensi ore gotoka ore nebibe na birori batato bamoire bobe ase obosio bw’abagaka, na onye tibakwaangama, na koorokia obobe, amariete abo nigo are korusigwa aroro na tibabarwa ase egati ya abanto ba Kristo.

8. Korende buna babete bagendererete ase okoangama na koboria okwaberwa, ase omoyo bw’okogania, imbabete bakwaberwa.

9. Na emesangererekano yabo nigo yare koragwa n’ekanisa ekero Omoika omochenu ore gokora emeremo, na goetera ase chinguru chi’Omoika Omochenu; bakaba bakoraua gochia korandia, gose koagacha, gose gosaba gose komotogia gose gotera naboigo aya akaba agokoreka.