1. Rirube ria Tata Mormoni, ririkire ase inde, na nigo riarigetwe bwango ekero narangeretigwe ase enchiri. Na ase obong’aini akarika ogoteba ng’a:

2. Omwana one omwanchwa Moroni, nigo inde nomogoko ekiagera Omonene Yeso Kristo nare nomoyo naye, na okorangerie ase emeremo yaye emechenu.

3. Na nigo inde nomoyo ase ore ime ya amasabo ane botambe, botembe ime ya amasabo ase Nyasae Tata ase erieta ria Yeso Kristo oyore omochenu, erinde ere goetera ase ogotakea kwaye na obuya bwaye na mbokorende goetera ase okoremereria gw, okwegena ase erieta riaye goika omoerio.

4. Na bono, abana bane, nigo ingokwana ase more igoro yaria angechetie mono; aseigo nigo angechetie ng’a emechando nebe ase more.

5. Onye neorokereirie ekeene, emchando kanya nere egati yaino igoro y’okobatisa abana baino abake.

6. Na bono, abana bane, nigo inde nokogania ng’a mokong’e ase obong’aini, erinde nario obobe obo borarusigwe ase egati yaino; na ase okogania oko imbwate narikire rirube eri.

7. Erio kegima ekero namanya amang’ana aya igoro yaino inkamoboria Omonene igoro ya amang’ana aya. Na ring’ana ri’Omonene rigacha ase inde goetera ase chinguru chi’Omoika omochenu, nagontebia:

8. Tegerera amang’ana a Kristo, oyore omoboria oino, Omonene oino na Nyasae oino. Rigereria tinachete ase ense korangeria abachenu korende abanyabibe ase okoangama; okogania gwonsi tari ase abang’ani korende ase abarwaire; aseigo abana abake nigo bare bonsi, ekiagera tibaraisana gokora ebibe; okoragererigwa gwa Adamu kwarusigwe korwa ase bare ase inde, ekiagera tikobwati nguru chinde chionsi ase bare; na ogochika gw’okwaroka gwakorirwe ime yane.

9. Na ekero aya aera Omoika Omochenu okaorokia ring’ana ria Nyasae ase inde; aseigo abana bane abanchwa, inwe manya necheche enene ase obosio bwa Nyasae, ekero abana obake bakobatiswa.

10. Rigereria nigo inkobatebia ng’a ebinto ebi mobe mokobiorokereria – – okoangama na kobatiswa, ase baria babarire ase baria bare abang’aini ase ogokora ebibe; borokererie abaibori ng’a goika baangame na kobatiswa, na kwebeka inse boka abanyene buna abana babo abake, na bonsi imbatoreke na abana babo.

11. Na abana babo abake tibari nokogania gw’okoangama, gose kobatiswa. Rigereria, ebatiso nigo ekoba ase okoangama ase ogoikerania amachiko ase okwaberwa kwebibe.

12. Korende abana abake nigo bare moyo ase Kristo, nonya nkorwa oboroso bwense; onye tari bo, Nyasae nigo are Nyasae ogwatanana, na Nyasae ogoonchoka, na oyogosika abanto; aseigo abana mbarenga bakure bataranyora ebatiso.

13. Aseigo, onye abana abake tibagotoreka batabatisiri, aya goika agende ase omoerio ochanamu.

14. Rigereria nigo inkobamanyia ng’a oria ogoteba ng’a abana abake mbaganetie ebatiso nigo are ase ekebao kiobororo na ase eora yebibe, tabwati nonya nokwegena ogoke, gose ogosemeria, gose obwanchani; aseigo, nabe okonachwa ekero are ase abirengererio, na goika agende ase chanamu.

15. Obobe nobwabo ase abare aboro baria bagoteba ng’a Nyasae natorie omwana oyomo ase engencho yebatiso, na abande mbasire ase engencho batabatisiri.

16. Okoragererigwa ase bare baria bagotanga chinchera chi’Omonene ase amang’ana aya, goika basire, gotatiga baangamire. Rigereria, nigo ingokwana noboremu, imbwate okobua korwa ase Nyasae; na tindi kwoboa keria omonto arakore; ekiagera obwanchani bwekeene bwaseririe obwoba bwonsi.

17. Na nigo ing’ichire n’obwanchani, obwe bore obwanchani bwa kare na kare; aseigo abana bonsi nigo bagwekaine ase inde aseigo, nigo imbanchete abana abake n’obwanchani bwekeene; na nigo bonsi bagwekaine na ogotoreka n’okwabo.

18. Nigo imanyete ng’a Nyasae tari Nyasae ogwatanana gose oyogotema; korende nigo are oyotagoonchoka korwa kare goika kare.

19. Abana abake tibaganeirie koangama; aseigo nigo ere bobe na obworo obonene ase ogokara amabera a’Nyasae ase bare, ekiagera bonsi moyo bare ase are ase engencho ya amabera aye.

20. Na oria ogoteba ng’a abana abake mbaganetie ebatiso nigo bagokana amabera a Kristo, na korwa okwanga ase ekeng’wanso kiaye na chinguru chiogotoreka.

21. Okoragererigwa ase abanga aba, ekiagera nigo bare ase omotego bwa amakweri, na ase egesusuro getakoera. Nigo ingokwana n’oboremu; buna Nyasae achigete. Baigwere na bategerere, gose nigo bateneine mamincha yaino ase ekerogo giekina gia Kristo.

22. Korende rigereria abana baria bonsi imoyo bare ime ya Kristo, naboigo batari nogochika; aseigo oria otagambirie gose oria otari inse y’okogambigwa, tibakoangama; na ase ebatiso teri nogokonya –

23. Korende nogochecheria ase obosio bwa Nyasae, gokana amabera a Kristo, nechinguru chi’Omoika Omochenu, na kobeka okwegena kwabo ase emeremo ya amakweri.

24. Rigereria, inwe abana bane, ebinto ebi tibitakeirie bibe boigo; korende okoangama nase baria bare inse y’ekina na inse ase okoragererigwa gokobuna ogochika.

25. na ritunda ritang’ani riokoangama nebatiso; na ebatiso nigo egocha ase okwegena goetera ase ogoikerania amachiko; na ogoikeranigwa kwa amachiko; koreta okwaberwa kwebibe;

26. Na okwaberwa kwebibe koreta obwororo, na okwebeka inse gwenkoro; na ase engencho y’obwororo na oboitongo bwenkoro bwachire ogotarera kw’Omoika Omochenu goika, oyore omoremia oichire nogosemeria na obwanchani boisane, obwanchani boria bokoremereria ase obong’aini ase amasabo, goika omoerio bw’ense, ekero abachenu bonsi baramenye na Nyasae.

27. Rigereria, inwe abana bane ng’a nimbarikere naende ase more onye inkogenda isiko bwango mamincha ya abalamani. Rigereria obwerori bwense eye, gose abanto ba Nephi, ekiagera bamanyire ogosaria kwabo gotatiga baangamire.

28. Basabere, inwe abana bane, erinde nario okoangama korache ase bare. Korende rigereria, nigo inyoboete korende Omoika nigo ochandegate amo nabwe na ase ensemo eye y’oboremo obo nigo barigetie kobeka inse chinguru na okobua okwo gokorwa ase Nyasae; na bayokanire Omoika Omochenu.

29. Na buna bakanire mono obong’aini, ekeene abana bane, goika aba basire bwango, ase ogoikeranigwa kw’obobani okwo gwakwanetwe amo na ababani, naboigo ase amang’ana y’omotoria oito omonyene.

30. Ase obuya inwe abana bane, goika narikire ase more, gose imbe inkonyorana nainwe naende. Amina.