Mahsen kan en Mormon

1 Oh met ngehi, Mormon, kereniongehr I pahn kihong nei pwutak Moronai poadoapoad pwukat me I wiwiahda, kilang I wia sounkadehdepen nei aramas akan en Mehn Nihpai ar kereniongehr kamwomwala.

2 Oh sounpar epwiki kei mwurin Krais e ketido me I kihong poadoapoad pwukat rehn nei pwutak; oh I medemedewe me ih me pahn wia sounkadehde en kamwomwomwla unsek en nei aramas akan. Ahpw Koht en ketin mweidohng ih en pitsang irail, pwe en kak ntingihedi ekis duwen irail, oh duwen Krais, pwe en kak wia kamwahuparail ehu rahn.

3 Oh met, I pahn koasoia duwen me I ntingihedier; pwe mwurin ei pahn oaralapihada sang nan pileit en Nihpai kan, lao lel nan mwehin nanmwarki Pensamin, me Amalekai koasoiaier, I rapahki nan poadoapoad akan me kodohr rehi, oh I diarada pileit pwukat, me audaudkihda lepin nting en soukohp akan, sang Seikop kohdo lel nan mwehin nanmwarki Pensamin, oh pil mahsen tohto en Nihpai.

4 Oh audepen pileit pwukat kapereniehda mehlel, pwehki kokohp akan me pid duwen ketidohn Krais; oh ei pahpa kan eseier me [kokohp] tohto pweidahr; ei, oh I pil ese me soahng tohto me kokohpdahr duwen kiht lelledo rahn wet pil pweidahr, oh koaros me pahn wiawi mwurin rahn wet uhdahn pahn pweida—

5 Eri, I piladamehpwukat, pwe I en kanekehla poadoapoad me I ntingihedi powe, a luhwen poadopoad me I ntintingih me I pahn kihsang nan pileit en Nihpai; oh I sohte kak ntingihedi epwiki kis ehu en irair kan me wiawiong nei aramas akan.

6 Ahpw kilang, I pahn ale pileit pwukat, me audaudkihda kokohp akan oh kaudiahl akan, oh kapatahieng luhwen poadpoapoad me I ntintingih, pwe re kesempwal ong ie; oh I ese me re pahn kesempwal ong riei kan.

7 Oh I pahn wia met pwehki kahrepe kesempwal ehu; eri, nin duwen kamwekid en Ngehn en Kauno me kin doadoahk rehi, e mwenginingin ong ie. Oh met, I sohte ese soahng koaros; ahpw Kauno me ketin mwahngih soahng koaros me pahn kohdo; eri, e kin ketin doadoangkinie nin duwen kupwure.

8 Oh ei kapakap ong Koht kin doke riei kan, pwe irail en kak pwurehng pwurodohng marain en Koht, mehlel, komour en Krais; pwe irail en kak pwurehng wiahla aramas mwahu kei.

9 Oh met ngehi, Mormon, pahn kanekehla poadoapoad me I ntintingih, me I kihsang nan pileit en Nihpai; oh I pahn wiahda nin duwen kupwurokong oh erpit me Koht ketikihong ie.

10 Eri, kedekedeo mwurin Amalekai eh kihongehr nanmwarki Pensamin pileit pwukat, e alehda oh kapatahieng pileit teikan, me audaudkihda poadoapoad kan me kadakadaur kohdosang nanmwarki kan, sang ehu dih lel ehu dih lao lel mwehin nanmwarki Pensamin.

11 Oh re kadakadaurete sang nanmwarki Pensamin, sang ehu dih lel ehu dih lao ar lelledo rehi. Oh ngehi, Mormon, kapakap ong Koht pwe re en kak nekinekla sang met kohla. Oh I ese me re pahn nekinekla; pwehki mie soahng kesempwal kei ntingdi loale, sang mepwukat nei aramas akan oh riarail kan pahn pakadeingkihda ni imwilahn rahn kesempwalo, nin duwen mahsen en Koht me ntingdier.

12 Oh met, duwen nanmwarki Pensamin—mie kisin pingiping wiewiawi nanpwungen sapwellime aramas akan.

13 Kedekedeo sounpei en Mehn Leimen kan ahpw kohdihdohsang nan sahpw en Nihpai, pwe rehn mahweniong sapwellime aramas akan. Ahpw kilang, nanmwarki Pensamin ketin kapokonepene sapwellime sounpei kan, oh e ahpw pelianirailda; oh e peiki nein Leipen kedlahso sang ni pein eh kehl.

14 Oh sang ni roson en Kauno irail pelianda arail imwintihtih kan, lao irail kemehla kidalap en Mehn Leimen ko. Kedekedeo irail ahpw mahweniong Mehn Leimen ko lao re kasarehsang nan sapwarail sapwen sohso.

15 Kedekedeo mwurin Krais likamw kei pwarada, oh ewerail akan kuhpene, oh irail ahpw ale kalokepen diparail kan;

16 Oh mwuri mie soukohp likamw kei, oh sounkalohk oh sounpadahk likamw akan nanpwungen aramas akan, oh irail koaros ale kalokepen diparail kan; oh mwuri, mie pingiping laud oh aramas tohto iangala Mehn Leimen kan, kilang, kedekedeo nanmwarki Pensamin, sang ni sawas en soukohp sarawi kan me kin mihmi nanpwungen sapwellime aramas akan—

17 Pwe kilang, nanmwarki Pensamin wia ohl sarawi men, oh e ketin kaunkihda sapwellime aramas akan mour pwung; oh mie ohl sarawi tohto nan sahpwo, oh irail padahngki mahsen en Koht sang ni manaman oh mweimwei; oh irail kin koasoi inen pwehki keptakai en aramas akan—

18 Eri, sang ni sawas pwukat, nanmwarki Pensamin, sang ni e kin ketin doadoahngki sapwellime kehl en paliwar oh palingen unsek, oh pil soukohp akan, e ahpw pwurehng kauwada popohl nan sahpwo.