Iralaud 1Moronai ntingiada ni mwotomwot nting kan en Ihder—Poadoapoad en kadaudoken Ihder ntingdi—Ehn Mehn Sared kan arail lokaia sohte ian pingida ni Doulik en Palilono—Kauno ketin inoukihda en kahluwa irailahng nan sahpw pilipil ehu oh wiahiong irail en wiahla wehi kehlail ehu. Iralaud 2Mehn Sared kan kaunopada ong arail pahn seiloaklahng nan sahpwen inou—E wia sahpw pilipida ehu wasa me aramas anahne papah Krais ma soh re pahn kamwakel sang—Kauno ketin mahseniong rien Sared pwutako erein awa siluh—Mehn Sared kan wiahda wahr en nansed kei—Kauno mahsanihong rien Sared pwutako en medewehda ia mwomwen eh pahn mie mehn ser nan wahr en nansed ko. Iralaud 3Rien Sared ohlo kilangada rekenleng en Kauno ni E ketin doahke takai eisek weneuo—Krais ketin kasalehiong Sapwellime paliwar ngehn ong rien Sared ohlo—Irail akan me alehdi marain unsek udahn pahn kilangidi palio kahdengo—Mehn kawehweh kan kaunopada pwe re en kasalehda poadoapoad en Mehn Sared kan nan marain. Iralaud 4Moronai pahngokieng en katengepene ntingkan en rien Sared ohlo—E sohte pahn kasansalada lao aramas akan ahneki pwoson duwehte rien Sared ohlo—Krais mahsanihong aramas akan en kamehlele sapwellime mahsen kan oh mahsen en Sapwellime tohnpadahk kan—Aramas akan pahngokieng en koluhla, kamehlele rongamwahuo, oh komourla. Iralaud 5Sounkadehde silimen oh pein doadoahko pahn wia ehu kadehdehpen mehlele en Pwuhk en Mormon. Iralaud 6Kisinieng kan ipirala weren Mehn Sared kan wahroko nan sahpw en inouo—Aramasoko kepinga Kauno pwehki Sapwellime kalahngan kan—Oraia pilipilda en wiahla arail nanmwarki—Sared oh rie ohlo mehla. Iralaud 7Oraia kakaun ni mour pwung—Nan ahnsou me pingiping oh akamai, wehi kan en Shule oh Kouor me kin uhpene wiawihda—Soukohp kan keriahla aramas akan me kin wiwia suwed oh pwongih dikadik en eni, re ahpw koluhla. Iralaud 8Mie akamai oh pingiping nan wehio—Akis wiahda pwihn suwed rir ehu me ehukipene arail kauhla en kemehla nanmwarikio—Pwihn suwed rir kan iei ehn tepilo oh kin elehiong kamwomwalahn wehi kan—Mehn Liki kan en mwei wet pahn kaparikin irail pwihn suwed rir me pahn song en kawehla saledek en sahpw koaros, wehi kan, oh wehin sahpw koaros. Iralaud 9Wehio kohsang emen kohlahng emen sang ni sohso, pitidi ni rir, oh kamaramas—Ihmer kilangada Sapwellimen Mourpwung—Soukohp tohto padapadahngki koluhla—Lehk ehu oh sneik poisin kei kaloke aramas akan. Iralaud 10Emen nanmwarki wiliandi emen—Ekei nanmwarki ko kin mwahu; ekei kin suwed—Ahnsou me mour pwung kin mie, Kauno kin ketin kapaida oh kekeirida aramas akan. Iralaud 11Mahwin kan, pwupwidi kan, oh wiewia suwed kan kaunda momour en Mehn Sared kan—Soukohp kan kohpada kamwomwala mehlel en Mehn Sared kan ma irail sohte pahn koluhla—Aramas akan kasohwe mahsen akan en soukohp kan. Iralaud 12Soukohp Ihder kangoangehki aramas akan en kamehlele Koht—Moronai pwurehng koasoia duwen doadoahk manaman oh kapwuriamwei kan me kin pweida sang ni pwoson—Pwoson me elehda rien Sared ohlo en kilang Krais—Kauno kin ketikihong aramas akan luwet pwe irail en karakarahkala—Rien Sared ohl kamwakid Nahna Serin sang ni pwoson—Pwoson, koapworopwor, oh limpoak unsek kesempwal ong komourla—Moronai kilangangki mese Sises. Iralaud 13Ihder koasoaiahda duwen Serusalem Kapw ehu me pahn kokouda nan Amerika sang ni kadaudoken Sosep—E wia kokohp kan, oh lekidekla, ntingihda poadoapoad en Mehn Sared kan, oh kohpada kamwomwalahn Mehn Sared kan—Mahwin wiawi nan sahpwo pwon. Iralaud 14Wiewia suwed en aramas akan kahrehda keriah ehu pohn sahpwo—Koriandumer tapiada mahwin ong Kiliad, mwuri Lip, oh mwuri Sihs—Nta oh kamaramas laud kipehdi sahpwo. Iralaud 15Mehn Sared Miliohn kei kamakamala nan mahwin—Sihs oh Koriandumer kihpene aramas koaros oh ong mahwin lao mehla—Ngehn en Kauno uhdihsang ieiang irail—Wehin Mehn Sared kan kamwomwala mehlel—Ihte Koriandumer me luwehdi.