3 Nihpai

Pwuhk Sarawih kan

Pwuhk en Mormon

Audepe kan
Mehn Kapehse oh Kadehde kan
1 Nihpai
2 Nihpai
Seikop
Inos
Serom
Omnai
Mahsen kan en Mormon
Mosaia
Alma
Ilemen
3 Nihpai
4 Nihpai
Mormon
Ihder
Moronai
Mehn Kaweid Pisetik ong Pwuhk en Mormon

3 Nihpai

Iralaud 1
Nihpai, nein Ilemen, pwutak, mweselsang nan sahpwo, oh nah pwutak Nihpai alehdi poadoapoad kan—Mehndahte kilel kan oh soang kapwuriamwei kan wiwiawi, me suwed kan koasonehdi me re pahn kemehla me pwung kan—Pwohng en ipwidi en Krais ahpw lelledo—Kilel kan ahpw wiawi, oh usu kapw ehu pwarada—Likamw oh mwersuwed laudla, oh Pwihn en Kadiendon lipirap ko kemehla tohto. Ele Sounpar 1–4 Mwurin Ipwidi en Krais.
Iralaud 2
Wiewia suwed oh tiahk suwed kan laudla rehn aramas kan—Mehn Nihpai kan oh Mehn Leimen kan ehupene oh doarehsang irail pwihn en Kadienden lipirap ko—Mehn Leimen kan me weliakapwala pwetepwetla oh adanikihla Mehn Nihpai. Ele Sounpar 5–16 Mwurin Ipwidi en Krais.
Iralaud 3
Kidienai, kaun en pwihn en Kadienden ko, ruwese me Lakonius oh Mehn Nihpai kan re en mweidehng irail pahn eh manaman oh sapwarail kan—Lakonius pilada Kidkidonai en wia kaun lapalap en sounpei kan—Mehn Nihpai kan kohpene nan Saraemla oh Sapwen Rahk pwe re en doare pein irail. Ele Sounpar 16–18 Mwurin Ipwidi en Krais.
Iralaud 4
Nein Mehn Nihpai kan sounpei kan kalowehdi Kadienden lipirap kan—Kidianai kamakamala, oh weliepehu, Semnaraia, kalusiamala—Mehn Nihpai kan kepinga Kauno pwehki arail pweida kan. Ele Sounpar 19–22 Mwurin Ipwidi en Krais.
Iralaud 5
Mehn Nihpai kan koluhla oh moanokehla diparail kan—Mormon ntingihdi poadoapoad en nah aramas kan oh kalohngki mahsen poatoapoat ong irail—Israel pahn kopwurupwurpene sang wasairail salongalaie ahnsou werei. Ele Sounpar 22–26 Mwurin Ipwidi en Krais.
Iralaud 6
Mehn Nihpai kan pweida—Pohnmwahso, kepwehpwe, oh katohrohrpeseng en aramas akan wiawi—Mwomwohdiso pwalpeseng pwehki me pwupwidi kan—Sehdan kahluwa aramas kan nan kapingiping—Soukohp tohto kalohngki koluhla oh kamakamkihla—Me kamaramas kan koasonehdi me re pahn wilianda koapworment. Ele Sounpar 26–27 Mwurin Ipwidi en Krais.
Iralaud 7
Sounkopwung lapalapo kamakamala, koapwormeto ohla, oh aramas akan katohrohrpeseng nan keinek—Seikop, imwintihtien Krais, wiahla nanmwarki en pwihn suwed riro—Nihpai kalohngki koluhla oh pwoson Krais—Tohnleng kan kin kalohkehng ih rahn koaros, oh e kamaurada rie pwutak sang mehla—Tohto me koluhla oh papidaisla. Ele Sounpar 30–33 Mwurin Ipwidi en Krais.
Iralaud 8
Melimel, rerrer en sahpw, kisiniei, elipip, oh kahpwal lauden nan sahpw kan kadehdehda kalohpwualahn Krais—Aramas tohto mehla—Rotorot kipehdi sahpwo erein rahn siluh—Irail me momourte mwahieiki irair en arail mour. Ele Sounpar 33–34 Mwurin Ipwidi en Krais.
Iralaud 9
Nan rotoroto, kepitien Krais ahpw kalohngki kamwomwalahn aramas akan oh kahnihmw kan pwehki arail wiewia suwed—E pil ketin kalohngki e wia Sapwellimen Koht, ketin pakairki me kosonned en Moseso pweidahr, oh luke aramas koaros en kohdo Reh oh komourla. Ele Sounpar 34 Mwurin Ipwidi en Krais.
Iralaud 10
Mie meleilei ieu nan sahpwo erein awah kei—Kepitien Krais inoukihda me e pahn kapokonepene Sapwellime aramas kan duwehte litok men me kin koampwoalepene nah kisin pwurok kan—Pali laud en aramas mwahu kan me mourla. Ele Sounpar 34–35 Mwurin Ipwidi en Krais.
Iralaud 11
Sahmo ketin kadehdehki Sapwellime Iehros Kempoakeo—Krais pwarada oh kalohngki Sapwellime Tomwo—Aramas akan kehn lipwen ohla kan nin lime kan oh alualuwe oh pengepenge—Irail ahpw weriweriki Kepinga Kauno—E ketin kasalehiong irail koasondi oh weipen papidais—Ngehn en akamai sang rehn tepilo—Rongamwahu en Krais iei aramas en kamehlele oh papidaisla oh alehdi Ngehn Sarawi. Ele Sounpar 34 Mwurin Ipwidi en Krais.
Iralaud 12
Sises malipe oh kihong irail manaman rehn tohnpadahk ehk riemeno—E ketikihong Mehn Nihpai kan padahk me duwehte sapwellime Kapahrek en Pohn Dohlo—E mahsanih duwen Meid Pai kan—Sapwellime padahngkan siksang oh weliandi kosonned en Moseso—Re ketin mahsanih me aramas en unsek duwehte Ih oh Semehu me unsek—Karasahiong Madiu 5. Ele Sounpar 34 Mwurin Ipwidi en Krais.
Iralaud 13
Sises padahkihong Mehn Nihpai kan Sapwellimen Kauno kapakapo—Irail en koadoahke pai en nanleng—[Sises] ketin mahsanihong tohnpadahk ehkriemeno me re sohte pahn medemedewe anahn en paliwar nan arail doadoahk en kalohk—Karasahiong Madiu 6.
Iralaud 14
Sises mahsanih: Dehr kadeik; peki rehn Koht; kalekeikumwailsang soukohp likamw akan—E ketin inoukihda komourla ong irail akan me pahn kapwaiada kupwur en Sahmo—Karasahiong Madiu 7. Ele Sounpar 34 Mwurin Ipwidi en Krais.
Iralaud 15
Sises ketin pakairki me E ketin kapwaiadahr kosonned en Moseso—Mehn Nihpai kan iei ekei sihp me e ketin mahsanih nan Serusalem—Pwehki wiewia suwed, sapwellimen Kauno aramas kan nan Serusalem sohte wehwehki kamweremwerpeseng en sihpw en Israel kan. Ele Sounpar 34 Mwurin Ipwidi en Krais.
Iralaud 16
Sises pahn ketla rehn ekei sihpw en Israel me salongala—Ni imwin rahn akan rongamwahuo pahn kohwei rehn Mehn Liki kan oh ahpw kohwei rehn peneinei en Israel—Sapwellimen Kauno aramas pahn kilangki mesarail kan ahnsou me E pahn ketin kapwurehdo Saion. Ele Sounpar 34 Mwurin Ipwidi en Krais.
Iralaud 17
Sises mahsanihong aramasoko rehn medemedewe Sapwellime mahsen kan oh kapakapki pwe re en wehwehki—E kamwahuiala me soumwahu kan—E ketin loulouki aramas akan, ni eh ketin doadoahnki koasoi me sohte kak ntingdi—Tohnleng kan kapaiada oh seri kan oh kisiniei kapiliraildi. Ele Sounpar 34 Mwurin Ipwidi en Krais.
Iralaud 18
Sises tapiada kamadipw sarawio rehn Mehn Nihpai kan—E ketin mahsanihong irail re en kin kapakap ahnsou koaros ni Mware—Koaros me pahn tungoale uduke oh nim ntah ni ar sohte warohng pahn lekidekla—E ketikihong tohnpadahk kan manaman en kihla Ngehn Sarawi. Ele Sounpar 34 Mwurin Ipwidi en Krais.
Iralaud 19
Tohnpadahk ehkriemeno papah aramas oko oh kapakapki Ngehn Sarawi—Tohnpadahko papidaisla oh alehdi Ngehn Sarawio oh doadoahk en tohnleng kan—Sises loulouki mahsen me sohte kak ntingdi—E ketin kadehdehki pwoson kehlail mehlel en Mehn Nihpai pwukat. Ele Sounpar 34 Mwurin Ipwidi en Krais.
Iralaud 20
Sises ketikihda pilawa oh wain ni manaman kapwuriamwei oh pwurehng wia kamadipw sarawio rehn aramas akan—Luhwen kisehn Seikop kan pahn wehwehkihda Kauno arail Koht oh sohsohki Amerika—Sapwellimen Sises aramas pahn kopwurupwurpene nan Serusalem. Ele Sounpar 34 Mwurin Ipwidi en Krais.
Iralaud 21
Israel pahn kopwurupwurpene ahnsou me Pwuhk en Mormon pahn kohdo—Mehn Liki kan pahn wiahla aramas saledek nan Amerika—Irail pahn komourla ma irail pahn kamehlele oh peik; ma soh, irail pahn lekidekla oh kamwomwala—Israel pahn kauada Serusalem Kapw, oh keinek me salongala ko pahn pwurehng pwurodo. Ele Sounpar 34 Mwurin Ipwidi en Krais.
Iralaud 22
Ni imwin rahn akan, Saion oh eh kisin lepin tuhkehn kateng kan pahn wiahwihda, oh Israel pahn kopwurupwurpene sang ni kalahngan oh keneinei—Irail pahn pweida—Karasahiong Aiseia 54. Ele Sounpar 34 Mwurin Ipwidi en Krais.
Iralaud 23
Sises kupwuriki mahsen kan en Aiseia—e mahsanihiong aramas akan en rapahki mahsen en soukhop kan—Mahsen kan en Samuel Mehn Leimen me pid duwen Iasadao kapatapationg poadoapoad kan. Ele Sounpar 34 Mwurin Ipwidi en Krais.
Iralaud 24
Sapwellimen Kauno meninkedero pahn kaunopada ahlo ong Ketido Keriao—Krais pahn ketiket nan mwoale ni ahnsou en kopwungo—Kauno mahsanihong Mehn Israel kan re en pwain meirong en eisek kis ehu oh meirong en kaisihsol—Pwuhk en kataman wiawihda—Karasahiong Malakai 3. Ele Sounpar 34 Mwurin Ipwidi en Krais.
Iralaud 25
Ni Ketido Keriauo, me pohnmwahso oh suwed kan pahn isihsla duwehte mwutin dihpw meng—Elias pahn pwurodo mwohn rahn lapalap oh kamasapwehko—Karasahiong Malakai 4. Ele Sounpar 34 Mwurin Ipwidi en Krais.
Iralaud 26
Sises ketin kawehwehda soahng koaros sangete ni tapio lel ni imwio—Seri pwelel akan oh seri kan koaoia me kopwuriamwei kan me sohte kak ntingidi—Irail akan me mih nan mwomwohdiso en Sises Krais kin ahneki soangen dipwisou tehieu nan pwungarail.
Iralaud 27
Sises ketin mahsanihong irail en ekeriki eden Mwomwohdiso sang ni Mwareo—Sapwellime doadoahk oh meirong en tomwo me wia poahson en rongamwahuo—[Sises mahsanih] me aramas akanp en koluhla oh papidaisla pwe irail en mwakelekeldihda Ngehn Sarawio—Irail en kin duwehte Sises. Ele Sounpar 34–35 Mwurin Ipwidi en Krais.
Iralaud 28
Meh duwemen sang nan tohnpadahk ehkrimeno inangih oh alehdi inou en sohso nan sapwellimen Krais wehi ahnsou me re pahn mehla—Mehn Nihpai Silimeno inangih oh alehdi manaman en sohte mehla pwe irail en mihmihte pohn sampah lao lel ahnsou me Sises pahn pwurehng ketido—Irail kiewekila oh kilangidi soahng kan me sohte mweimwei en koasoida, oh ahnsouwet irail wie papah aramas akan.
Iralaud 29
Kohdohn Pwuhk en Mormon iei kilel ehu me Kauno tepdahr kihpene Israel oh kapwaiada sapwellime inou kan—Irail akan me pahn kasohwe Sapwellime kaudiahl en imwin rahn akan oh kisakis kan pahn riahla. Ele Sounpar 34–35 Mwurin Ipwidi en Krais.
Iralaud 30
Mehn Liki kan en imwin rahn akan en koluhla, kohdo rehn Krais, oh iang wadawadieng peneinei en Israel. Ele Sounpar 34–35 Mwurin Ipwidi en Krais.