1 Kedekedeo ni eh kerenlahng imwin pahr eisek waluho, sounpei en pwihn lipirap ko kaunopadahngehr mahwin, oh tepida kohdihdo oh mwadangete kohsang ni aul akan, oh sang pohn nahna kan, oh nan sapwtehno, oh sang nan wasahn arail rukla kehlail kan, oh arail wasahn rukla rir kan, oh tepida sapwankihla sahpw kan, koaros me mih palieir oh me mih paliepeng, oh tepida sapwankihla sahpw kan me Mehn Nihpai kan kohkohlahsang, oh kahnihmw kan me tehnda.

2 Ahpw kilang, sohte mahn lawalo de mahn me re kak kaskihdi nan sahpw kan me Mehn Nihpai kan mweselsangehr, oh sohte mahn me pwihn lipirap kan kak kaskihdi ihte mahn me mih nan sapwtehno.

3 Oh pwihn lipirap ko sohte kak momour ihte ma re mih nan sapwtehno, pwehki anahn en mwonge; pwe Mehn Nihpai kan kohkohlahsang sapwarail kan ni eh tehnda, oh kihpene neirail pelin sihp kan oh neirail pelin kou kan oh arail dipwisou koaros, oh irail miniminpene wiahla pwihn ehu.

4 Eri, sohte ahnsou en pwihn lipirap ko arail pahn kak kulih oh alehdi mwonge, ihte re en kohdo mahwiniong Mehn Nihpai kan ni sansal; oh pwehki Mehn Nihpai arail wiahla pwihn ehu, oh pwehki arail pokon, oh pwehki arail nekidalahr kenerail mwonge kan oh soahng teikan ong arail anahn kan, oh oahs akan oh pelin kou kan, oh peli mahn tikitik koaros, pwe re en kak momouriki erein sounpar isuh, nan ahnsou me re kasik irail pahn kamwomwala sang pwihn lipirap ko sang nan sahpwo; oh met pahr keisek waluho imwiseklahr.

5 Kedekedeo nan pahr keisek duwao Kidianai diaradahr me e pahn konehng en kohdahla mahwiniong Mehn Nihpai kan, pwe sohte ehu wiepe me re kak wie momouriki ihte re en kulih oh pirap oh kamaramas.

6 Oh re sohte men kohpeseng nan sahpwo pwe re en kak padokedi oh kakairada werentuhke, pwe Mehn Nihpai kan de pahn kohdohng irail oh kemeirailla; eri Kidianai ruwesehiong nah sounpei kan me nan pahret irail pahn kohdahla mahwiniong Mehn Nihpai kan.

7 Kedekedeo re ahpw kohdahdo mahwin; oh met iei nan keweneu en sounpwung; oh kilang, rahno me irail kohdahdohng mahwin e wia rahn apwal oh kamasepwehk; oh irail likauwih likou en sounpirap kan; oh kilin sihpw me pire likoparail kan, oh re kaweitahtahki nta, oh mongarail kan seiseila, oh irail lisoaropki lisoarop mete; oh mas kamasepwehk oh keper mwomwen nein Kidianai sounpei kan arail pwarada, pwehki mwomwen arail tehtehn mahwin, oh pwehki mwomwen arail kaweitahtahki nta.

8 Kedekedeo nein Mehn Nihpai sounpei kan, mwurin arail kilangadahr mwomwen nein Kidianai sounpei ko, re ahpw poaridi nan pwehlo, oh ahpw kapakapiong Kauno arail Koht, pwe en kak kamaurirailla oh doarehsang irail nan pehn arail imwintihti kan.

9 Kedekedeo ahnsou me nein Kidianai sounpei kan kilangada met irail tepida weriwer ngihl laud, pwehki arail peren, pwe irail wiaki me Mehn Nihpai kan poaridi pwe irail masak neirail sounpei kan.

10 Ahpw nan irair wet irail nsensuwedla, pwe Mehn Nihpai kan sohte masak irail; ahpw irail masak arail Koht oh peki sapwellime sawas; eri, ahnsou me nein Kidianai sounpei kan tangedohng irail, irail onopadahng pelian irail; ei, sang ni kehl en Kaun irail aleiraildi.

11 Oh mahwino tepida nan kewenou en sounpwungo; oh e wia mahwin lap oh kamasepwehk ehu, ei, kamakamala lap oh kamasepwehk ehu, sang ni ahnsou me Lihai kohkohsang Serusalem saikinte soangen kamakamala lap wet wiawi.

12 Oh mendahte ehn Kidianai kin kamasak oh kahula, kilang, Mehn Nihpai kan kemeirail, lao irail pweieklahsang mwohrail.

13 Kedekedeo Kidkidonai ahpw ndaiong nah sounpei kan re en pwakih irail lao lel ni irepen sapwtehno, oh me re sohte pahn kamaurla emen me pahn lohdi nan pehrail kan mwohrail; oh met re ahpw pwakih irail oh kemeirailla, kohla lel ni irepen sapwtehno, lao irail kapwaiada kosonned en Kidkidonai.

14 Kedekedeo Kidianai, me kesihnen oh pepeiki eh loalap, pwepweki ni eh tang; oh pwehki e pwangada sang ni e pepei laud e kolkoldi oh kamakamala. Oh met kaimwsekala Kidianai lipirapo.

15 Kedekedeo nein Mehn Nihpai sounpei kan ahpw pwurehng pwurala wasahn pereparail kan. Kedekedeo pahr eisek duwao ahpw imwisekla, oh pwihn lipirap kan sohte pwurehng pwurodo mahwin; de re pil sohte kohdo nan pahr rieiseko.

16 Oh nan pahr rieisek ehuo re sohte kohdo mahwin, ahpw re kohdo pali koaros pwe re en kapildi aramas en Nihpai kan; pwe re medewe ma irail pahn kak kauhdi aramas en Nihpai kan en dehr kohiei nan sapwarail kan, oh katengeiraildi pali koaros, oh ma re pahn kak kauhdisang irail elen pai en liki kan, me pahn kakete kahrehda arail pahn mweidala pein irail ong dahme pwihn lipirap kan mwahuki kan.

17 Met irail pwurehng pilada emen arail kaun, me adaniki Semnaraia; eri Semnaraia me kahrehda irail en wiahda koasondi wet en wiawi.

18 Ahpw kilang, met e wia kamwahupen Mehn Nihpai kan; pwe e apwalehng pwihn lipirap kan re en wiahda arail koasondi ahnsou reirei pwe en kak doadoahk ong Mehn Nihpai kan, pwehki kenarail mwonge tohto me irail nekidala,

19 Oh pwehki sohitar en mwonge rehn pwihn lipirap wet; pwe kilang, sohte arail mehkot ihte Sali me irail kin kangkang, me wia sali me re koledi nan sapwtehno;

20 Kedekedeo mahn me re kin kasikihdi pil apwala nan sapwtehno kahrehda pwihn en pirap wet kereniong re pahn mehkihla mehn mwonge.

21 Oh Mehn Nihpai kan kin usehla arail karihsieila nihpwong oh nihrahn, oh pepeiong neirail sounpei kan, oh kemekemehla kid kei oh nen kei.

22 Oh met nein Semnaria aramas kan ahpw medewehda re en pweieksang arail koasondio, pwehki kamwomwala lap me kin wiawihong irail nihpwong on nihrahn.

23 Kedekedeo Semnaraia ahpw ruwesehiong nah aramas kan re pahn pweieksang arail koasondio, oh karihs kohla nan wasa keieu dohsang aramas nan sahpw en paliepeng.

24 Oh met, pwehki Kidkidonai eh ese arail koasondio, oh pwehki eh wehwehki arail luwetalahr pwe arail anahne mwonge, oh kamakamala laud me wiawihong irail, eri e ahpw kadarala nah sounpei kan ahnsou me nihpwong, oh supukidi wasa re pahn pwurala, oh ahpw kihong nah sounpei kan mwohn wasa re pahn pwurala.

25 Oh met re wia ahnsou me e nihpwong, oh tihengila mwohn pwihn lipirap ko, pwe mandahsang rahno, ahnsou me pwihn lipirap ko pahn tepida kohwei, irail pahn tuhwong nein Mehn Nihpai kan sounpei kan mwohrail oh mwurirail.

26 Oh pwihn lipirap ko me mih paleir pil supukidier wasa re pahn pwurala. Oh mepwukat koaros wiawiher pahn kaweid en Kidkidonai.

27 Oh meh kid kei me mweidehng Mehn Nihpai kan re en salihdi irail, oh me luhwehdi kan kamakamala.

28 Oh arail kauno, Semnaraia, kolkoldi oh kalusiamala pohn tuhkehieu, iei, wasa me ileile nan tuhkehu lao e mehla. Oh mwurin arail kalusiamihla lao e mehla re ahpw karaukehdi tuhkehu nan pwehlo, oh weriwerkihla, ndinda:

29 Kauno e ketin doandoare sapwellime aramas nan mour pwung oh nan mohngiong sarawi, pwe re en kak karaukehdi nan pwehl koaros me pahn song rapahki re en kemeirailla pwehki manaman oh tiahk suwed rir kan, duwehte ohl menet me pwupwidier nan pwehl.

30 Oh re ahpw perenda oh pwurehng werikihla ni ngihl ehute, ndinda: Koht en Eipraam, oh Koht en Aisek, oh Koht en Seikop, en ketin doarehla aramas pwukat nan mour pwung, ma irail pahn kin eker mwaren arail Kohto ong doareparail.

31 Kedekedeo re ahpw ehupene tepida kokoul, oh kepikepinga Koht pwehki me kesempwal me e ketin wiahiongirailehr, sang ni eh ketin doandoare irail sang pwupwidi nan pehn arail imwintihti kan.

32 Ei, irail weriweriki: Kepinga Koht Wasalapalap. Oh irail weriweriki: Meid pai mwaren Kauno Koht Lapalap, Koht Wasalapalahpie.

33 Oh mohngiongarail kan direkihla peren, kahrehda pilenmesarail kerekerkihdi, pwehki kupwurkalahngan en Koht nan doarehsang irail nan pehn arail imwintihti kan; oh irail ese pwehki arail koluhlao oh karakarahkala me kahrehda arail poadoandoarasang nan kamwomwala poatoapoat.