1 Oh met kedekedeo nan pahr rieisek wenouo aramas en Nihpai kan koaros ahpw pwurehng pwurala nan pein sapwarail kan, ohl koaros, iangahki eh peneinei, nah pelin sihpw oh nah pelin kou kan, nah oahs kan oh nah kou kan, oh soahng koaros me irail ahneki.

2 Kedekedeo irail sohte kangala kenarail mwonge kan koaros me irail nekidala; eri irail wahda koaros me re sohte kangala, soangsoangen kenarail werentuhke koaros, oh neirail kohl, oh neirail silper, oh arail dipwisou kesempwal koaros, oh pwurehng pwurala nan sapwarail oh arail wasa kan, wasa koaros ni paliepeng oh palieir, nan sahpw en paliepeng oh nan sahpw en palier.

3 Oh irail kihong sahpw kan pwihn lipirap ko me weliakapwala alehda inouo en kolokol popohl nan sahpwo, me inangih re en wiahte Mehn Leimen, nin duwen tohtohn irail, pwe irail en kak ahneki mehkot, sang ni arail doadoahk kan, pwe re en kak kamaurki irail; oh met kaimwsekala popohl en nan sahpwo.

4 Oh irail tepida pwurehng pweida oh kehlailla; oh pahr rieisek wenou oh isuho ahpw imwisekla, oh onepek mwahu nan sahpwo; oh irail wiahda arail kosonned kan nin duwen mour pwung oh pahrek.

5 Oh met sohte mehkot nan sahpwo me kak kauhdi kekeirdahn aramas akan, ihte ma irail pwupwidi nan dihp.

6 Oh met iei Kidkidonai, oh sounkopwung, Lakonius, oh kaun kan koaros me pilipilda, me wiahda popohl lap wet nan sahpwe.

7 Kedekedeo mie kahnihmw tohto me wiawihda, oh mie kahnihmw tohto me pwurehn wiawihda.

8 Oh tohto ahl lap akan kokouda, oh tohto ahl kan me wiawihda, me kohsang ni ehu kahnihmw kohla ni ehu, oh sang ni ehu sahpw kohla ni ehu, oh ehu wasa kohla ehu wasa.

9 Oh met kaimwsekala pahr rieisek waluh, oh aramas kan ahneki popohl kohkohwei.

10 Ahpw kedekedeo nan pahr rieisek duwao pingiping tepida wiawi rehn aramas akan; oh ekei tepida aklapalap oh pohnmwahso pwehki arail kepwehpwehla mehlel, iei, kahrehda ar kin kaloke mehtei kan;

11 Pwe tohto sounnetinet nan sahpwo, oh pil tohto sounsawas en kosonned kan, oh tohto kaun en kosonned kan.

12 Oh aramas akan tepida katohrohrpeseng sang pwihn, nin duwen arail kepwehpwe kan oh arail duwen kaskuhl me re kin alehdi; ei, ekei sohte marain pwehki arail semwehmwe, oh ekei alehdi kaskuhl laud pwehki arail kepwehpwe.

13 Ekei pohnmwahsohla, oh ekei karakarahk mehlel; ekei kin dupuk koasoi suwed kan me kin wiawihong irail, ah ekei kin alehdi alehdi koasoi suwed oh kailok oh soangen kalokolok kan, oh sohte kin pwurehn kapwungehn irail, ahpw karakarahk oh koluhla mwohn Koht.

14 Oh met mie sapahrek laud nan sahpwo pwon, kahrehd mwomwohdiso tepida katohrohrpeseng; ei, kahrehda nan pahr silihseko mwomwohdiso mwerpeseng nan sahpwo pwon ihte ekei Mehn Leimen kan me weliakapwala ong lamalam mehlelo; oh re sohte men kohkohsang, pwehki arail kehlail, oh tengeteng, oh sohte pweiek, inangih nan loaloapwoat koaros en kapwaiada kosonned kan en Kauno.

15 Kahrepen wiewia suwed en aramas pwukat iei met—Sehdan ahneki manaman laud, en kamwakidada aramas kan re wia soangen wiewia suwed koaros, oh kihda arail pohnmwahso, kaskasongosonge irail en rapahki manaman, oh mweimwei, oh kepwehpwe, oh mehkot mwahl akan en sampah.

16 Oh met mwomwen Sehdan eh kakahluwahsang mohngiong en aramas akan re en wia soangsoangen wiewia suwed kan; eri irail ahneki popohl erein sounparte depe.

17 Oh met, nan tepidahn pahr silihseko—aramas akan ahpw mweidirailahr ahnsou reirei pahn kasongosong en tepilo wasa sohte lipilipil me e inangih wairailla, oh wiahiong irail en wiahda dihp me en inangih re en wiahda—oh met nan tepidahn pahr silihsek wet, re mihmi nan irair en mour suwed apwal.

18 Met irail sohte wiahda dihp ni arail sohte wehwehki, pwe irail ese kupwur en Koht ong irail, pwe e kaskuhliong irailehr; eri irail uhwong Koht sang pein nsenarail.

19 Oh met iei nan mwein Lakonius, nein Lakonius pwutak, pwe Lakonius me weliandi eh pahpa oh kaunda aramas kan nan pahro.

20 Oh e ahpw tepda mie ohl kei me alehdi kamarain sang nanleng oh kohwei, keskesihnen nan pwungen aramas akan nan sahpwo, kalkalohngki oh kadkadehdehki ni eimah dip oh wiewia suwed kan en aramas akan, oh kadehdehiong irail duwen kamwakelda me Kauno pahn ketin wiahiong sapwellime aramas, de ni ehu koasoi, iasadahn Krais; oh irail eimah kadehdehki sapwallime pwoulao oh lokolok kan.

21 Met mie aramas tohto me lingeringerda mehlel pwehki irail kan me kadehdehki soang pwukat; oh irail akan me lingeringer iei lapalap kan me wia sounkopwung kan, oh irail akan me wia samworo lapalap kan oh sounsawas en kosonned kan; ei, irail koaros me wia sounsawas en kosonned kan lingeringer pahn irail akan me kadehdehda mepwukat.

22 Met sohte sounsawas en kosonned de sounkopwung de samworo lapalap men me ahneki manaman en kamanahla kamakamalahn aramas ihte ma kepinahn sahpwo pahn sain.

23 Eri met tohto irail akan me kadehdehki soahng kan me pid Krais me kadehdehki ni eimah, me sounkopwung kan koliraildi oh kemeirailla ni rir, eri duwen arail mehlao sohte sansalohng kepinahn sahpwo lao lel mwurin arail mehla.

24 Met kilang, wiewia wet uhwong kosonned en sahpwo, me aramas men pahn kamakamala ihte ma re alehdi manaman sang kepinahn sahpwo—

25 Eri mie repenpwung ehu kohdo nan sahpw en Saraemla, ong kepinahn sahpwo, kadipa sounkopwung kan me kemehla soukohp kan en Kauno, ni ar sohte idawehn koasondi en kosonned.

26 Met kedekedeo irail ahpw kolkoldi oh wisikdohng mwohng sounkopwungo, pwe re en kopwungki dihp me re wiahda, nin duwen kosonned me aramas akan wiahda.

27 Met kedekedeo kompoakepah oh peneinei en sounkopwung kan me tohto; oh me luhweh kan, iei, kereniong koaros sounsawas en kosonned kan oh samworo lapalap kan, ahpw pokonpene, oh utungada peneinei en sounkopwung kan me pahn kopwungki duwen kosonnedo.

28 Oh irail ahpw wiahda inou ehu nanpwungarail, iei, inouo me wiahwihda sang mehn kawa ko, me wia inou me kohdo oh wiawihda sang tepilo, pwe re en ehupene uhwong mour pwung koaros.

29 Eri irail ehupene uhwong aramas en Kauno, oh wiahda inou ehu re en kemeirailla, oh doarehla me dipaniki ar kamaramas sang nan kalokolok en kopwung, me re ahpwtehn pahn wia nin duwen kosonnedo.

30 Oh irail soikala kosonnedo oh pwuhng en arail wehi; oh irail ahpw wiahda inou nan pwungarail me re pahn kemehla kepinahu, oh wiahda nanmwarki nan sahpwo, pwe sahpwo sohla pahn wia sahpw en saledek ahpw pahn mih pahn manaman en nanmwarki kan.