1 Raica au sa lewa me lesi ka tabaki ko Warani A. Kaudari na noqu tamata, me bete levu veiliutaki ni noqu lotu ena vanua ko Viritomi kei na veiyasana vakavolivolita;

2 Ia me vunautaka na noqu kosipeli tawavakaiyalayala, ka tabalaka cake na domona me vunauci ira na tamata ena nona vanua kei na veiyasayasa vakavolivolita;

3 Ka me vagolea taucoko talega na nona gauna ki na ilesilesi cecere ka savasava oqo, ka’u sa solia vua ena gauna oqo, ka me vakasaqara vagumatua na matanitu vakalomalagi kei na kena yalododonu, ka na qai vakuri ena veika kecega e ganita; raica na tamata daucakacaka ena kilikili kaya na kena isau.

4 Kei na dua tale, au sa kaya vakaidina vei kemudou, sa voleka na gauna me lesu tale mai kina na Turaga, ka na yaco vakidacala mai me vaka na daubutako ena bogi—

5 O koya, mo dou vakadreta na ivau ni tolomudou, mo dou gone ni rarama, raica ena sega ni toboki kemudou na kena siga me vaka na daubutako.

6 Kei na dua tale, au sa kaya vakaidina vei kemudou, sa levu vakaidina na reki mai lomalagi ni sa cuva ko Warani na noqu tamata ki na noqu kaukauwa, ka tawasei koya tani mai na nodra ivadi qaseqase na tamata;

7 O koya, sa kalougata kina ko Warani na noqu tamata, ni na tiko ga vua na noqu loloma cecere; e dina ga sa dokadoka na lomana, au na laveti koya cake kevaka sa vakayalomalumalumutaki koya vei au.

8 Raica au na solia vua na loloma soli wale ka vakataudeitaki koya ena vanua me tu kina; ia kevaka sa yalodina tiko ga ena nona ivakadinadina ka tutuvaka tikoga na cina ki na lotu, au sa vakarautaka me nona na isala vakaturaga ena vale nei Tamaqu. Io ena vakakina. Emeni.