Wase 120
Na ivakatakila sa soli yani mai vei Josefa Simici na Parofita mai Fa Wesi e Misuri, ena 8 ni Julai 1838; sa vakatakilai kina na veiwaseyaki ni iyau a soli me ikatini, me vaka ka tukuni ena ivakatakila ni bera na kena oqo, na wase e 119.
1 Sa kaya vakaidina vakaoqo na Turaga, sa yaco mai na kena gauna, me na lewai kina ena dua na matabose na kena veiwaseyaki, me ra lewena na Mataveiliutaki Taumada ni noqu Lotu, kei ira na bisopi kei na nona matabose, kei na noqu matabose e cake; kei na domoqu koi au vei ira, sa kaya na Turaga. Sa vakakina. Emeni.