Wase 126
Na ivakatakila sa soli yani mai vei Josefa Simici na Parofita, ena vale nei Biriqemu Yaga, e Nauvu mai Ilinoi ena 9 ni Julai 1841. Ena gauna oqo a Peresitedi voli kina ni Kuoramu ni iApositolo Le Tinikarua ko Biriqemu Yaga.
1–3, Vakacaucautaki na cakacaka nei Biriqemu Yaga, ka sa na mudu tale ga na nona dauveilakoyaki voli.
1 I Biriqemu Yaga na wekaqu lomani; sa kaya vakaidina vakaoqo vei iko na Turaga: I Biriqemu na noqu tamata, sa sega tale ni ganita mo biuti iratou tu na nomu vuvale me vaka ena veigauna sa oti, raica au sa vakadonuya na nomu vakacacabo.
2 Io au sa kila na nomu buno kei na nomu oca ena nomu veilakoyaki voli ena yacaqu.
3 Ia au sa vakaroti iko mo vakauta yani na noqu vosa ki na veivanua tani, ia ko iko mo sa qaravi iratou ga na nomu matavuvale me tekivu oqo ka sega ni mudu. Emeni.