1 Sa kaya vakaidina vakaoqo na Turaga: Sa ka ni yalomatua vua na noqu tamata ko Tevita W. Peteni, me vakacavara na nona cakacaka kece vakabisinisi ena kena gauna totolo e rawata, me volitaka se solia yani na nona ivoli kecega, me rawa ni lako yani ka qarava e dua na itavi vei au ena vulaitubutubu ka lako mai, me na sala vata yani kina kei ira eso tale, io me ra lewe tinikarua ka wili kina ko koya, me ra vakadinadinataka na yacaqu ka kauta yani na itukutuku rekitaki ki vuravura taucoko.

2 Ni sa kaya vakaidina vakaoqo na Turaga, kevaka e so vei kemudou sa cakitaka na yacaqu, era na tauri eso me ra sosomitaki ira, me ra taura na nodra ilesilesi vaka-matabisopi. Emeni.