Jekjōn 14
Revelesōn letok kōn Josep Smith Rikanaan eo n̄an Devid Whitmer, ilo Fayette, New York, Juun 1829. Whitmer baam̧le eo rekar kanooj itok-limoier ilo ukok eo an Bok in Mormon. Rikanaan eo ekar likūt jikin an jokwe im̧weo im̧ōn Piter Whitmer Sr., ijo eaar jokwe m̧ae an jerbal in ukok eo kar dedeļo̧k im jim̧we ko kōmlet ium̧win kien kōn bok in ej itōn jedetok rekar dedeļo̧k bōki. Jilu ian ļōm̧aro nejin Whitmer, kajjojo ekar bōk juon an naan in kam̧ool kōn lukkuun m̧ool in jerbal eo, rekar kanooj inepata kōn men eo kuņaer kajjojo. Revelesōn in im ruo tokālikin (jekjōn kein 15 im 16) kar litok ilo uwaak n̄an juon kajjitōk kōn Urim im Tumim eo. Devid Whitmer tokālik eaar erom juon ian Rikam̧ool Ro Jilu n̄an Bok in Mormon.
1–6, Rijerbal ro ilo jikin kallib grep eo renaaj bōk lo̧mo̧o̧r; 7–8, Mour indeeo ej eļaptata ian mennin letok ko an Anij; 9–11, Kraist eaar kōm̧anm̧an lan̄ ko im laļ.
1 Juon jerbal eļap im kabwilōn̄lōn̄ enan̄in waļo̧ktok ilubwiljin ro nejin armej raņ.
2 Lo, N̄aij Anij; eo̧ron̄ naan eo Aō, eo em̧ōkaj im kanooj kajoor, ekkan̄ļo̧k jān jāje eo ruo mejān, n̄an ajeje ijeņ im ijeņ mo̧kwōj ko im ņoņņoņmeej; kōn menin, eo̧ron̄ naan eo Aō.
3 Lo, meļaaj eo emouj epojak n̄an m̧adm̧ōd; kōn menin, jabdewōt eo ekōņaan m̧adm̧ōd e en bun̄raake sickle eo an kōn an maron̄, im m̧adm̧ōd ke ejja raan wōt, bwe en maron̄ ko̧koņi n̄an an mour indeeo ilo aelōn̄ in Anij.
4 Aaet, jabdewōt eo enaaj bun̄raake sickle eo an im m̧adm̧ōd, ejja in wōt Anij ej kūr e.
5 Kōn menin, eļan̄n̄e kwo naaj kajjitōk jān Eō kwo naaj bōk; eļan̄n̄e kwo naaj kaļļaļļaļ enaaj peļļo̧k n̄an eok.
6 Kappukot n̄an kōjerkak im kajutak jibadbad eo an Zaion. Kōjparok kien ko Aō ilo men otemjeļo̧k.
7 Im, eļan̄n̄e kwōj kōjparok kien ko Aō im niknik n̄an jem̧ļo̧k in kwo naaj bōk mour indeeo, eo ej mennin letok eo eļaptata ian mennin letok ko an Anij.
8 Im naaj ālikin men kein, bwe eļan̄n̄e kwo naaj kajjitōk ippān Jema ilo Eta, ilo tōmak im lōke, kwo naaj bōk Jetōb Kwōjarjar, eo ej letok ekkōnono, bwe kwōn maron̄ jutak āinwōt juon rikam̧ool an men kein ko me kwo naaj jim̧or ron̄jaki im loi, im barāinwōt bwe kwōn maron̄ lam̧ōj ukeļo̧k n̄an epepen in.
9 Lo, N̄aij Jisōs Kraist, eo Nejin Anij eo emour, eo Eaar kōm̧anm̧an lan̄ ko im laļ, juon meram eo ejjab maron̄ ņojak ilo marok;
10 Kōn menin, Ij aikuj kōjerkaktok tarlep in gospel eo Aō jān ro riAelōn̄ ko n̄an m̧weo im̧ōn Israel.
11 Im lo, kwe kwōj Devid, im ej kūr eok n̄an jipan̄; men eo n̄e kwōj kōm̧m̧ane, im kwōj tiljek, kwo naaj jeraam̧m̧an jim̧or ilo jetōb im ilo kanniōk, im ekanooj ļap naaj jinōkjej eo am. Amen.